Ieu kaca geus divalidasi
41
- Walon Raden mangga atuh kaulanun, Cendala nampanan duit, bari ngomong ieu alus, tah ieu mere tampiling, pibekeun sia kojor.
- Den Lalana ditampiling geblung nyuuh, ku ki Cendala diirik, aya hiji jalam muru, pangsiunan palajurit, ka Cendala tuluy naros.
- Bagaimana kamu suka orang mukul, apa kamu gila hati, apa dosanya dipukul, hayo lekas jawab lagi, Cendala mungkin olohok.
- Ngomong gugup kuring mah teu boga udud, sumawona kayu api, ngawalonna bari binggung, kana malayu teu ngarti, marukanna menta roko.
- Ki Cendala molotot bari rek numbuk, make nyarekan ka aing, sia sia oge, anu burung, naha burung, naha make murang-maring, sia oge jalma oblo.
- Naha şia nyarekan teu pugub-puguh, na teu nyabo adat aing, pangsiunan ngomong puguh, gelut mah paranti aing, ki Cendala momonjok.
- Seung dibuang peureupna Cendala rubub, hudang bari cungar-cengir, sirahna mani bancunur, ngingsreuk,bari jeba-jebi, tapi sigana teu kapok.
- Singkir deui karepna mah arck numbuk, dikelid jungkel jumpalit, bari nangtung rada lanjung,luak-lieuk alak-alik, tuluy lumpat purat-perot.
- Barang datang hareupeun Barahma sunu, ki Cendala ngomong nyendir, aduh ampun abdi labuh, tigurawil kana gawir, ieu larang ge jantowor.
- Siku gugus sirah ge mani bancunur, si Lalana lumpat ngacie, daek medu sanes wadul, kitu Cendala wawarti, eleh gelut kantun ngobral.
- Kacaturkeun ayeuna teh Raden Bagus, Jaya Lalana Raspati, ti alun-alun geus mungkur, badarat angkatna runtik, hanteu puguh nu di boro.
