Ieu kaca geus divalidasi
62
- Bari ngomong kadieukeun sia palung, ali nu aing dipaling, Raden Lalana ngawangsul, dibikeun deui ku kami, lamun beuheung eunggeus potong.
- Eta bula molotot bakating napsu, ngagerem sihung pasalit, ngagila ka Den Bagus, kenca katuhu ngabili, dicingcetkeun ku Den Anom.
- Atuh poos hanteu keuna tuluy ngepung, Raden rancingas teu gimir, leueur lir upama belui, buta bongoh ditampiling, huntunal munggah arompong.
- Ulah getih sosongkolan gerang-gerung tapi da bubuhan sakti, hudang deui bari muru, karep males rek nampiling, Raden luncat kana tonggong.
- Ceuli buta diciwit pating gurubug, asa dilerab ku geni, gabrag-gibrig, nyekel hulu, rek ditewak ngejat deui, cukang irungna ditajong.
- Luluncatan kaditu-kadieu, kawas monyet dina kai, taya karisi kapaur, heureuy lir ucing kumincir, si buta nangkarak be-ngong.
- Hudang deui buta ka Raden milari, najan mindeng ngajumpalik, beuki wani rasa nguntup, da puguh ka budak leutik, piraku nepi ka poos.
- Den Lalana ka buta lajeng cumeluk,beakeun karep silaing, pek urang geura karepuk, bisi maneh hayang nguji, ka kami terah narpati.
- Enya ieu terahing Cempala Ratu, putrana Wulansari jin, kami Lalana nu mashur, lamun maneh meunang jurit, tanwande sia kasohor.
- Ela buta barang ngadenge Sang Sunu, Hookeun bari muringis, duanana tuluy diuk, ka Raden teh ngomong lirih, duh aduh Raden nu anom.
- Naha leres Raden tuh putrana ratu, putra gusti Wulansari, pami kitu abdi ampun panakawan gusti, bujang turunan nu kahot.
- Kapan abdi panakawan maha wiku, eyang gamparan sayakti, eta oge ali mashur, yaktosna sanes nu abdi, kedab ka gamparan langtos.
