Poesaka Soenda 1923-11-2(05)
| Poesaka Soenda 1923-11-2(05) (1923) |
| kidoel bet djelema teh euweuh. Taksiran kaoela geus toeloej ka statsion. Barang disoesoel ka dinja bet euweuh deui. Toeroeg-toeroeg kareta api geus tereh indit. Atoeh kaoela teh ngan heong bae njaba make papakean saraket diawak, sakitoe koedoe mondok doea peuting. Ari rek teu toeloes dina kareta api eta, rek neangan heula boedak, meureun beak waktoe. Tjoba lamoen teu sasamajan mah moal kitoe.
Soemawonna omongan oelah barang beuli papatoengan koe djelema ajeuna geus diparojok bae, pokna “kolot mah teu bisa noelis, teu bisa ngitoeng”. Enja bener, tapi geura tampolana mah sok aja bae kadjadianana. Koe sabab ningal sakitoe mangpaatna, eta paomongan kolot anoe karitoe tea, koe kaoela rek dikoempoelkeun dina P. soepaja diarapalkeun koe noe aranom. Poegoeh ari elmoe-elmoe anoe laloehoer mah geus aja pirang-pirang dina boekoe-boekoe basa walanda, tapi loeang-loeang anoe sok kapanggih sapopoe mah di oerang, nja eta pikeun obor keur njaangan djalan tintjakeun, meureun teu aja. Djaba ti kitoe nja eta soepaja basa-basa noe karitoe tea oelah nepi ka leungit, da poesaka ti karoehoen oerang, poesaka anoe toeroen-toemoeroen. Samemeh koering noeloejkeun poesaka ti karoehoen anoe djadi paribasa, babsan djeung katjapangan sakoemaha anoe geus ditjaritakeun ti heula, ajeuna rek ajimpang heula kana djalan simpangan anoe diseboet kapamalian, sabab eta oge toenggoel keneh poesaka, maksoedna noe ninggalan, soepaja dilalampahkeun koe anak intjoena pikeun njiar djalan kasalametan. Wondening anak intjoe teu naroeroet lantaran geus baroga deui elmoe anoe lewih hade, nja teu naon-naon, dapon salamet bae. Tapi moenggoeh koe noe berakal, sanadjan teu rek dipake oge-moen teu rek dipake tea mah-koedoe bae dikanjahokeun tanda asih ka noe ninggalan. Ketjap pamali geus diterangkeun dina boekoe “bab adat-adat”, karangan djoeragan Hoofdpanghoeloe Bandoeng katja 167, jen pamali teh asalna pamalik, hartina paranti malik, tegesna sagala noe dikoe- |
doekeun dipantang, sebab pamali, djaga moal dipantang koe noe geus malik atina, asal sieunan djadi loedeungan.
Kahartina koe koering noeroetkeun eta omongan, saha-saha noe geus malik atina tina kadoenjaan, woengkoel njangareup, madep ka Noe Kawasa bae, geus teu aja kapamalina. Tapi ari pamendak koering mah djoedjoetanana ketjap pamali teh noeroetkeun woordenboek djeung kagaliban makena, kieu. Ketjap pamali teh dipake koe Soenda, dipake koe malajoe, karepna saroea, ngan beda saeutik bae, ari hartina nja eta: Sagala kalakoean anoe sok aja matakna teu ngeunah di ahir, Saperti: Noe reuneuh oelah sare ti beurang, matak kikilieun anak. Noe reuneuh oelah sok dioek dina batoe, matak leuleumeungeun anak. Oelah neunggeul koe sapoe, matak loempoeh. Oelah sok njeboet ngaran kolot matak hapa hoei dj.s.t. Dina hikajat Hang Toeah, katja 98, aja omongan kieu: Maka toen Kastoeri poen tahoelah akan Laksamana berchalwat itoe, sebab memboenoeh si Djebat, pamali, orang tjelaka itoe. Demi asal ketjapna pamali teh tina pali (lain malik), make rarangken pa, saperti : peupeuh djadi pameupeuh. Ketjap pali asalna basa Kawi, dipake keneh dina basa Djawa, hartina: Pakem atawa poegeran. Djadi pali teh beunang diseboet koe oerang oegeran atawa wet. Tina ketjap pali oerang Djawa njieun ketjap roendajan papali, nja eta diradjek sorana noe mimiti. Tjaritana noe njieun ketjap papali teh Ki Ageng Sela, hartina sagala tjegahan, anoe oelah dilampahkeun koe djelema (lain koe boedak bae), sabab aja matakna. Aja hidji wawatjan anoe ngaranna papali, nja et njaritakeun sagala piwoeroekna Ki Ageng Sela tea. Mimitina eta wawatjan poepoeh: Dangdanggoela Ki Ageng sela ing kang winarni, lagya |
| pinarak aneng hing langgar, ingadep poetra wajahe, Ki Ageng apitoetoer, marang poetra wajahe sami, lah botjah soen pepejan, marang sira ikoe, kabeh pada piarsakna, toetoer ingsoen doedoe papan doedoe toelis papali aranira.
Pepali ikoe hapan berkati, toer selamet sarto poearasan, pepali ikoe mangkene, hadja anggawe angkoeh, hadja ladak lan hadja djahil, hadja ati soerakah, lan hadja tjelimoet, lan hadja goeroe aleman, hadja ladak wong ladak egelis mati, lan hadja manah ngiwa (1) Lamoen koe oerang diawas-awas tetela pisan jen ketjap pamali di Soenda djeung di Malajoe, djeung ketjap papali di Djawa, saroea bae, da poegoeh eta tiloe basa teh doeloerna, nja eta sagala kalakoean, larangan kolot atawa larangan agama, doemeh aja matakna. Ngan bedana : dina pamali Soenda noe djadi sababna teh teu kaharti koe akal, tjek basa Walanda tea mah bijgefoof atawa tjek oerangna mah pabidahan, demi pamali Malajoe djeung papali Djawa kaharti koe akal pimatakeunana, tegesna enja eta teh kalakoean goreng, boh goreng djalan aherat, boh djalan doenja. Nja kitoe deui asal ketjapna kabeh tina pali, ngan bedana: pamali dirarangkenan pa, ari papali diradjek sorana noe mimiti, karepna saroea bae, tjara panepak djeung tetepak. Naon sababna anoe pamalli Soenda ngan kanan pabidähan bae? Sabab ari kana tjegahan agama mah biasana tara diseboet pamali, sok doraka, saperti: oelah ngoenghak ka indoeng ka bapa, doraka. Tangtoe ingetanana noe ngadenge teh bakal meunang siksaan di aherat. Ari pamali matakna sok kapanggih di doenja keneh. Misilna: Oelah ngalong dina panto, pamali, matak nongtot djodo. Ajeuna hajoe oerang tjoektjroek, naon sababna noe matak di Soenda aja kapamalian. Ari saoer para boedjangga nonoman mah, sakabeh sabab-sabab atawa matak-matak anoe diseboetkeun koe karoehoen tea, woengkoel sabab bodo bae, atawa dja- |
lanan hawek, tapi andjeunna teh, ari pertjanten mah, pertjanten, jen eta kalakoean teh, teu hade, loeloej diteangan sababna, diterangkeun koe sabab anoe matak kaharti, beunang ngira-ngira Tjontona:
Oelah sok njatoe tjaoe sisina, matak kasingsal. Saoer boedjangga nonoman: Tjaoe sisina teh sok panggedena, ingkeun keur kolot”. Djadi lebah dinja kolot teh hawek. Aja deui noe njarita: “Lamoen tjaoe sisina didahar koe boedak, moal beak, tina kagedeanana;sesana didahar koe kolot, roedjit, dipitjeun, lebar”. Lebah dinja, lamoen beak mah djigana teu matak pamali. Padahal ari kolot mah beak teu beak oge, pamali bae. Djeung deui larangan teh lain ka boedak bae, sakoer djelema anoe bakal keneh mah, koedoe pantang bae, sanadjan manehna sanggoep meakkeun tjaoe sisina tiloe oge. Oelah sok dahar oeteuk, matak tereh hoeisan. Disangkana koe noe aranom, ari oeteuk teh oedoeh, kadaharan kolot. Ingkeun keur kolot oelah disoro koe boedak. Oelah oelin sareupna, matak dirawoe kelong. Ari saoer boedjangga ajeuna mah: a. matak kotokeun, saba paningalna tatjan koeat; b. matak elat sare, djadi goreng kana kawarasan; c. matak tjilaka; kapireungpeunan, katjoegak dj. s. t. Oelah nioep damar, matak peteng ati. Saoerna: “Lain matak peteng ati. Tapi bisi damar ngagebos matak kahoeroean djeung oepama lampoe ditioep, haseupna sok ngeboel, matak goreng kana kawarasan. Tah kitoe oenggal kapamalian diterangkeun koe noe matak kaharti. Bener katjida sarta aloes!! Tapi taksiran ari kolot-kolot mah noe mimiti njieun kapamalian, lain kitoe maksoedna, da elmoena tatjan nepi kana natuurkunde, kana hygiene. Lamoen koe oerang disangka, kolot teh ahli hawek, hajang seubeuh sorangan, emboeng disoro |
| koe anak, eta oge tatjan poegoeh, taja bedjana kolot oerang ahli koret.
Na koemaha atoeh? Ari tjek taksiran koering mah datangna eta kapamalian tina lima djalan: I. Tina kapertjajaan, boh lantaran agama, boh kapertjajaan anoe sedjen, titinggal ti karoehoen djaman baheula, anoe diseboet animisme tea, atawa pertjaja ka joerig-joerig. Aja hidji kapertjajaan anoe mindeng pisan kapakena dina kapamalian, nja eta: noeroet boeat. Eta kapertjajaan nepi ka ajeuna masih pageuh keneh pisan napelna dina ati djelema. Tatjan sakoemaha lawasna di Bandoeng aja hidji menak, pohara resepna ngoeseup, ari geureuhna keur bobot. Barang babar, poetrana soewing. Ana ger teh kolot-kolot anoe ahli kana kapamalian: “Tah, da bongan resep tening ngoeseup, noeroet boeat, poetrana soewing da tangtoe aja laoek rawing biwirna koe oeseup”. Lamoen noe aranom ningali lampahna kolot-kolot dina waktoe aja boedak laboeh titoetoeg kana taneuh atawa kana batoe, tangtoe garoemoedjeng. Kapan gewat njokot tjai, oeroet titoetoegna dibandjoer. Naon sababna ? Soepaja oeroet titoetoeg tea tiis, djadi sirahna boedak noe laboeh oge miloe tiis, noeroet boeat, djadi teu njerieun djeung teu toetoeloejan. Koe lantaran kapertjajaan tea bidjil pirang-pirang kapamalian. Tjontona: Oelah sok njoo beas, matak didjoeal koe toa. Sarerea tangtoe pada terang pare djeung beas teh Nji Sri Koemaha hormatna djelema ka Nji Sri, meureun geus moal aja noe bireuk. Mangkaning ajeuna aja boedak njoo beas, sakitoe tjologogna ka Nji Sri, koemaha henteu rek ditjarek. Djeung koemaha henteu rek djadi pamali, njoo beas, anoe sakitoe dimoelja-moeljana. Ari noe djadi matakna tea, sakapeung enja geus kadjadian kitoe, sakapeung mah dipake njingsieunan bae, da noe dimaksoed koe kolot teh “oelahna ngalampahkeun”. Ari eta mah matakna atawa sababna koe kolot teu diperloekeun, da karep kolot mah baroedak atawa noe ngora teh teu koedoe |
mapaj-mapaj sababna, noe perloe mah ngagoegoena djeung sieunna, da nadjan pinter kana sabab-sabab oge, ari teu sieun mah taja goenana. Kapan boekti loba djelema pinter loedeungan, toengtoengna tjilaka. Nja kitoe deui saperti alam ajeuna loba nonoman anoe ngoelik elmoe kaalahan tina theosophie, sagala perkara kapanggih sababna, tjek kolot mah taja mangpaatna, lamoen teu dibarengan koe sieun. (naha jaktos? S. d. R.)
Oelah dahar tjaoe sisina, matak kasingsal. Matak didieu asalna tina noeroet boeat tea. Lamoen dina koempoelan oerang tjitjing pangsisina sok tara pati kapalire tara diadjenan. Oelah sok dahar oeteuk, matak ngora-ngora huisan. Sepoeh oeningana kana oeteuk teu katjek koe doktor, nja eta nekadkeun jen eta teh gedongna akal djeung karep, malah ari sepoeh mah aja deui tekadna djaba ti kitoe. Koe sabab eta oeteuk teh katjida pisan dipoesti-poestina diseboetna oge lemah poetih, malah aja oge anoe mantrang njeboet oeteuk, koedoe polo. Koe sabab kitoe sepoeh-sepoeh geus njieun sindir, pokna:”oelah dahar oeteuk”. Lain pisan sabab koret, ngan eta teh soeloek koedoe dipikiran koe noe ngora. Demi eta matakna, diseboet matak tereh hoeisan, lantaran teh nja tina kapertjajaan “noeroet boeat keneh bae, doemeh oeteuk bodas tjara hoeis. Atawa daekeun oge panjingsieunan. Oelah dahar toengir hajam, matak dipangnoenggirkeun. Ieu oge datangna nja tina kapertjajaan keneh. Saha-saha noe geus mapaj bab babaloeng adjboed danbin, tangtoe ngarti naon sababna noe matak kolot mantang kitoe. Oelah oelin sakareupna, matak dirawoe kelong. Ieu kapamalian datangna tina pertjaja ka djoerig tea. Toeroeg-toeroeg geus mindeng kadjadian, boedak oelin sandekala sok toeloej teu inget, loba noe njaksian inja. Ajeuna |
Kalawarta Poesaka Soenda
| Taun ka-1 | Taun ka-2 | Taun ka-3 | Taun ka-4 | Taun ka-5 | Taun ka-6 |
|---|---|---|---|---|---|
| 1922-07 | 1923-07 | 1924-07 | 1925-07 | ||
| 1922-08 | 1923-08 | 1924-08 | 1925-08 | ||
| 1922-09 | 1923-09 | 1924-09 | 1925-09 | ||
| 1922-10 | 1923-10 | 1924-(10-12) | 1925-10 | ||
| 1922-11 | 1923-11 | 1925-01 | 1925-11 | ||
| 1922-12 | 1923-12 | 1925-02 | 1925-12 | ||
| 1923-01 | 1924-01 | 1925-03 | |||
| 1923-02 | 1924-02 | 1925-(04-05) | |||
| 1923-03 | 1924-03 | 1925-06 | |||
| 1923-04 | 1924-(04-05) | ||||
| 1923-05 | 1924-06 | ||||
| 1923-06 |