Poesaka Soenda 1923-03-1(09)

Poesaka Soenda 1923-03-1(09)  (1923)

[ 129 ]

POESAKA-SOENDA

DIKALOEARKEUN KOE PAGOEJOEBAN

JAVA-INSTITUUT

Anoe djadi Redactie: Dr. R. A. HOESEIN DJAJADININGRAT
J. KATS, M. SOERIADIRADJA

TOEDJOEL SERAT : - GOENOENG SARI 84. – WELTEVREDEN

Pangaosna langganan Poesaka-Soenda dina sataoen ti Juli d.k. Juni	ƒ	3.-
Pangaosna hidji (sadjilid) Poesaka-Soenda, ngagaleuh ngeteng	"	0.30
Pangaos samboeng-lajang (advertentie) dina P.S. sakatja	"	20.-
Satengah katja . . . . ƒ 12½ Saparapat katja	"	7.50
dina sakali kaloear.

Oepami ngalanggan samboeng-lajang langkoeng mirah.

Eusina P. S. No. 9

1.	Tjarita Waroega goeroe	katja	129
2.	Paririmbon (Alamatna impian)	"	136
3.	Sawer Si Roentjang koendang	"	140
4.	Oenak-anik basa Soenda IV	"	141
5.	Pihatoer Redaksi	"	142

---

Tjarita Waroega goeroe.

Sakoemaha anoe parantos ditjarioskeun dina P.S.N: 6 jen Babad mah radjeun soelaja, kawasna anoe aja dongkap ka lebah oerang teh koemaha tjeuk pahamna para boedjangga baheula bae, mangkaning boedjangga baheula teh sanes saoerang doeaan, anoe pada-pada teu sabiloeloengan dina noeroenkeun raratanana teh.

Geura oepami koe oerang dihaben ditalek hidji-hidjina poko tjarita, engke kaoeninga soelajana; kantenan nadjan teu sakaroepa oge ari moebah mah moal, tangtos rea poeloenganeunana, sapertos babad Galoeh, tjarita Tjioeng Wanara, Waroega goeroe, sareng sadjabi ti eta.

Soepados aja geusan ngabandingkeun ieu di handap diserat Tjarita Waroega goeroe, kenging noeroen tina panglajang Bat. Gen. van K. en W, nja eta anoe asalna tina hidji kitab aksara Soenda baheula, anoe kapendak ti kaboejoetan Kawali (Tjiamis).

Njakitoe deui engke saparantos ieu, baris ditema koe babad Galoeh, njandak poko, sasoengapan sareng Waroega goeroe.

Soepados kaoeninga ti anggalna, ieu tjarios [ 130 ]basana edjahanana, satjeplekna tina anoe ditoeroen tea bae.

Tjarita Waroega goeroe.

Katja 1.

Ini tjarita Woeroega goeroe, eta noe njakrawati. Noe poek angngen toeloes, da koedjaba di noe bodo, noe tarraboeka prajaji sakarep kasorang tineung meunang goeroe.

Ratoe poessaka di djagat paramodita, eta, ka’njahokeun ratoe Galoeh, keur bidjil ti alam gaib; nja nabi Adam ti heula.

Ratoe Galoeh dienggonkeun ti langngit masoehoer, toeroen ka langit djambaloelah, toeroen ka langngit moetijara, toeroen ka langngit poerasani, toeroen ka langngit inten, toeroen ka langngit kantjana, toeroen ka langngit poetih, toeroen ka langngit ireng, toeroen ka langngit doenja.

Dja kalangngan, tata lawas toeroen ka goenoeng Djabalkap. Oepami: Ratoe Ga-

Katja 2.

loeh dienggonkeun sasaka alam doenja, nabi Adam ti heula, pinarekking goenoeng Mesir.

Adam diseuweu opat poeloeh, dwa noe sakembarran, moenidjah loeloehoer hadji dewi; tjikal, da hidji, dingarankeun nabi Isis; loeloehoer manoesa.

Nabi Isis diseuweu Kalijanggin.

Kalijanggin diseuweu Malit.

Malit diseuweu Malam.

Malam diseuweu Mahoer.

Mahoer diseuweu Lamak.

Lamak diseuweu Nasar.

Nasar diseuweu Basar.

Basar diseuweu Nabi Enoh.

Nabi Enoh diseuweu istri, poetri Betari Sanglinglang.

Betari sanglinglang diseuweu Moeladasadi.

Moeladasadi diseuweu ratoe Babar bwana, arina krama ka Batari Logina.

Batari Logina diseuweu ratoe Gandoel gantoeng.

Naha mana dingarankeun ratoe Gandoel gantoeng? Kerna

Katja 3.

tapa di awang-awang.

Arina krama ka Betari Tjipta Lenggang, diseuweu nja Ratoe Meneng poetih.

Naha mana dingarankeun ratoe Meneng poetih?

Kerna tapa dina haseup bidjil poetih.

Arina krama ka Betari Tjipta wisesa, arina diseuweu ratoe Gandoellarang.

Naha mana dingarankeun ratoe Gandoel larang ?

Kerna tapa dina bentang.

Arina krama ka Betari Mekoe bajoe.

Betari Mekoe bajoe arina diseuweu ratoe Okang larang.

Naha mana dingarankeun ratoe Okang larang ? Kerna dina boelan.

Arina krama ka Betari Mekoe hoerip; Betari Mekoe hoerip arina diseuweu ratoe Siar.

Naha mana dingarankeun ratoe Siar ? Kernatapa di djero banjoe.

Arina krama ka Betari Medang tasa, arina diseuweu ratoe Komara.

Ratoe Komara arina krama ka Betari Lenggis.

Katja 4.

djati.

Betari Lenggis djati arina diseuweu ratoe Poetjoek poetih. Naha mana dingarankeun ratoe Poetjoek poetih?

Kerna tapa di djero langngit poetih noe leuwih.

Arina krama ka Betari Panggoeng kantjana, arina diseuweu Baginda premana.

Arina krama ka Maradja Leng djagat arina dibogaseuweu djoemeneng ratoe Radja poetra poeter djagat.

Ditibanan tji banjoe eloeh.

Diraga-raga (diragragan) tji banjoe eloeh.

Koetjarita Waroega goeroe mana djoemeneng njakra wati, katoeroenan tjaja eloeh, toeroen ka goenoeng Rajanna, djoemeneng ratoe Rajanna.

Mangka tjaritakeun deui nabi Adam.

Diogan sarejat, lampahna, eukeur bingoeng, miteteken srangenge, hoekoemna sakoer noe oesik dihalalkeun, alamna lima riwoe tahoen, tjengkal ka[ 131 ]

Katja 5.

joe ka patbelas ratoes.

Kasalinan deuikoe nabi Enoh, alamna dalapan ratoes tahoen, tjengkal kajoe salapan ratoes tjengkal pandjangna, hoekoemna sakoer noe paeh koe maneh diharamkeun, balana saeusina.

Kasalinan deui koe nabi Isis, diboga kitab tanpa karana.

Tjaritakeun deui koe ratoe Radja poetra poeter djagat.

Nabi Enoh mireungngeuhkeun nagara Selong padagang dalapan.

Mangka noeroet Baginda premana premana sabalana kabeh.

Ratoe Radja poetra poeter djagat noe ranoehhan hanteu miloe, koedoe-koedoe karsa daha babatang.

Mangka kahatoer ka ramana.

Mangka bendoe ramana: eta oge rek dipoepoesan.

Mangka di-

Katja 6.

tjekel koe Adam daoer.

Mangka kabireungeuh koe njai aisna, koe ratoe Dewi asta. Mangka dibelakeun djalma sewoe.

Toeloejna ka kahijangan.

Lawas tapana di kamoelijaan, toeroen ngababakan.

Medang kamoelan sangngara, noe boga dajeuh dingaranan ratoe Rawana(?).

Mangka diprangngan koe Alam daoer, kasedek ngidoel ka poelo Panamoer.

Mangka silih balang koe siwalan, toeroenna kadajeuh mana dingarankeun Bagelen.

Tjaritakeun deui poetrana ratoe Mesir na poetri geulis Raminihaloel, noe djoeng dina boelanna boelan anggara kasih.

Oenggahna ka papangoeng

Katja 7.

ngan nengtjengna patanggalan.

Rek dibireungeuh ngoelon, pepet; rek dibireungeuh ngetan, pepet; rek dibireungeuh ka tebeh kidoel, behna pameget.

„Rampes ta inja”.

Toeloej hatoer ka ramana: „rama kawoela hatoer dek krama ka ratoe Radja poetra poeter djagat.”

Saoer ramana: „Soekoer temen, anaking, hidep rek krama na ais bawa satapa.”

Toeloej dibawa koe Darma siksa.

Toeloej angkat deugna kai ais didjenengkeun Amad moesapir.

Toeloej ka nagara Medang kamoelan; kadaharranan sri.

Mana aja sri di noesa Djawa.

Toeloej krama raka ka pada raka, rai ka pada rai.

Toeloej pinoeh Medang kamoeljan, dieusi koe doea riwoe

Mangka karsa min-

Katja 8.

dah dajeuh ka Goenoeng kidoel.

Mangka diwaris koeringna koe Darma siksa,noe ti Mesir sakoeringna ka goestina, noe ti Selong sakoeringna ka goestina.

Saoer ratoe: „Lalakina eta oge teu dibwaga waris, aja waris poerba mana koeat ewe-ewena.”

Mangka toeloej djadi nagara doewa kang raka deungngeun ka rai.

Mangka tjaritakeun deui nabi Enoh.

Saoerna nabi Adam: “Nabi Enoh, teu jatjan dahar sri; reja doeradoe, koedoe bogoh ka pada padalalaki, karsa dahar babatang.”

Saoerna: “Nabi Adam, moegi-moegija keuna bebendon deneng Allah.”

Mangka nabi Adam njieun parahoe.

Mangkana patoe, dibawa oenggah ka parahoe nabi Adam nabi Enoh.

Dibawa oenggah ka parahoe, mangka bidjil angin topan sapotjorro ti sagara, mangka keneum alam doenja.

Oerang noe-

Katja 9.

sa Djawa rame eukeur njieun goenoeng.

Saoer ratoe Prewata sari djagat: “pikakeueumeun.”

Mangka njipla goenoeng sasipat langit, dingarankeun goenoeng Adrakasa.

Mangka oerang noesa Djawa dibawa oenggah goenoeng koe rata Prewata sari djagat. [ 132 ]

Mangka oerang noesa Djawa dibawa oeng-gah goenoeng ka sanghijang poentjak Lingga rajoe.

Mangka lawas-lawas orot deui.

Mana noe saat ti heula bodjong rentjang tjarangtjang batan kembang lopang, mana dingarankeun Bodjong lopang.

Toeloej ditoeroennan dibabakan koen Darma siksa.

Toeroenna ka dajeuh mana aja Imba nagara, didjenengkeun Ki dipati panaekkan masihna ratoe leungit di goenoeng.

Mangka oenggah para kanjtjana koemambang-kembang, ditalian koe ... [ 133 ]

Kaca 13.

teu aya, sang ratu ngandeg.

Datang ka bulanna, babar.

Dingaranan Hariang Banga.

Lawas-lawas sang ratu uwar ka sanagara yén sang ratu eukeur diboga seuweu.

Saur sang ratu: "Patih, hatur deui ka nu tapa, sang ratu eukeur diboga deui seuweu."

"Rampés," carékna kai patih.

Ari datang ka nu tapa, tuluy hatur, carékna kai patih: "Kaula nuhun, dipawarang ku sang ratu." Saur nu tapa: "Dipiwarang naha kai patih?"

"Mangka sang ratu bobot, naha éwé-éwé ta lalaki piseuweueunnana?"

Saur nu tapa "Réya deui sang ratu ka nu tapa Kai patih, haturkeun ka sang ratu, saur nu tapa piseuweueunnana éwé-éwé."

Saur sang ratu: "Bohong nu tapa, éta ogé katéh (kañcah, katél)?"

Arina ditéyang, katéh teu aya.

Sang ratu tuluy ngandeg.

Ari lawas-lawas, datang ka bulanna, tuluy babar sang ratu.

Arina dibireungeuh istri seuweu sang ratu.

Caritakeun deui réyana para putra.

Ratu Maraja Lenggang seuweuna ratu Ayub nu calik di Nusa Kambangngan.

Arina patut-

Kaca 14.

tan nya Hariyang Banga turunan Ajar, pulang jiwa nu ngasa di Sumadé Kidul, balikna ka Majapait.

Patutan ti Ratu Prawata, éta seuweuna Prebu Gunung, Sang Raja Pañji.

Patutan deui ti Ratu Maraja Déwi Angin nya Ratu Pagedongngan.

Ratu Maraja Déwi Angin seuweuna Prebu Wiratmaka, Ratu Maraja Sakti.

Patutan ti Ratu Maraja Déwa Putra raha duwa welas nu nyarita tilu.

Mangka turun ratu Komara ti swarga ngayuga dayeuh di Bojong Ci-mandala wateun reujeung Ci-gagakjalu.

Mangka gering sanagara Galuh.

Saur sang ratu: "Patih, nahoeun tamba gering sanagara?"

"Kaula nuhun, sang ratu, kaula rék hatur ka nu tapa, ménta tamba gering."

Hatur kai patih: "Nuhun, kaula dipiwarang ku sang ratu, ménta tamba gering sanagara."

Saur nu tapa: "Rampés."

Mangka ngala sagala tamba.

Tuluy dihaturkeun ka kai patih: "Iyeu tamba gering, hatur-

Kaca 15.

keun ka sang ratu, kami dek nuturkeun peundeuri."

"Kaula amit."

Saur nu tapa: "Pileuleuyan, kai patih."

"Kaula nuhun, sang ratu, iyeu tamba gering sanagara ti nu tapa."

Tuluy ditampanan ku sang ratu.

Arina dibuka, béh reundeu.

Tuluy didahar ku sang ratu; nyat waras sanagara Galuh.

Tuluy ka séba deui ku paramantri.

Lila-lila tuluy datang kai ajar.

Saur sang ratu: "Sukur temen, kai ajar datang. Reundeu baan saha?"

Saur kai ajar: "Nuhun, bawa nu séba urang nuhun, séba téh nu jaba baé, nangka diteda ku kaula. Tuluy dipelakkeun ku kaula; lawas-lawas ari cukul, kahatur ka sampéyan."

"Kai Ajar, ari kitu ngabaktikeun sésa."

Mangka sang ratu bendu.

Saur Sang Ratu: "Patih, paéhhan Kai Ajar."

Mangka dicekel ku Kai Patih, dibaan ka rañca Cibungur.

Saur Kai Ajar: " Kai Patih, haturkeun sa-

Kaca 16.

ur kami ka Sang Ratu, jajaga ari boga deui seuweu lalaki nya éta nu dipaéhhan téh."

Tuluy ditelasan.

Ngalambang beureum getihna di ranca Cibungur, mana dingarankeun Ranca Beureum.

Lawas-lawas Sang Ratu ngandeg. [ 134 ]Datang ka boelanna, lahir; arina dibireungeuh salaki.

Mangka diasoepkeun kana kandaga kantjana reudjeung endog sahoeloe, doehoeng sapoetjoek.

Toeloej dipalidkeun ka Tjitandoej... [ 135 ]Saurna patih Ciung Manarah Heunteu nyaho tado jerona ramma?

Tuluy dilebetan ku sang ratu.

“Hade” saur sang ratu.

Jeprak dikancing ku patih Ciung Manarah, dijingjing ka paseban, diundangkeun ka sasadayeuh.

Lawas-lawas saurna patih Ciung Manarah: “Sang ratu lintuh-lintuh keneh”

Horenganan dibalangan keupeul ku patih Hariang Banga.

Mangka bendu patih Ciung

Katja 20

Manarah, mesat hateup sirap, dibalangkeun ks raka.

Tuluy bendu ka raka.

Mangka koncara wesi rek diirik.

Ku Patih Ciung Manarah direbut.

Ku ratu Pagedongan tuluy disusupkeun ka gunung Kelong.

Tuluy perang, mangka disedekeun ngetan kang raka. Datang ka Balangbangan, saur kang raka: ”Raji, urang eureun.”

“Raka, rampes.”

Tuluy eureun teohheun maja tugna buah kalajar.

Dicandak ku na kai lanceuk..

Rai ieu buah naon.?

Ieu buah maja, raka…?

“Ngeunah didahar..?

Ngeunah raka.”

Arina didahar pait.

Majapahit ieu pingaraneun nagara.

Disedekeun deui ngulon ka rai ku kang raka.

Datang ka Tajog barat saur kang rai : “Raka urang eureun.”

“ Rai rampes,”

Eureun teohheun paku; tug buahna.

Dicandak kuna kai ais,

“Raka, buah naon ieu?”

“Buah paku jajar,”

“Pakuan pajajaran ieu ngaran.”

Mangka perang deui.

Datang ka Taraban, mangka turun Darma siksa.

Nya prerang, anaking, Cipamali nerus gunung

Katja 21.

teka nunjang sagara hakerang gedong angsana, na kang raka dicandak ku kai mas dipangpengkeun ngetan, kang rai dicandak ku kai mas dipindahkeun ngulon.

Tuluy dikumpulkeun ka nagara Galuh ku Darma siksa.

Kondjarra wesi diparanan ku ratu Maraja sakti, dicipta tuluy lebur jadi cai, turunan ka dayeuh, mana aya Kandang wesi.

Tuluy kumpul deui ka nagara Galuh, pada marek ka ramana neda idin.

Mangka matur kang rai: “ kang Rai ulah jumeneng ratu tiheula.”

Saur kang raka: “Suka aing jadi ratu ti heula, da aing kolotna anak putu, rai ku aing dikawulaan mo jumeneng nyakrawati lamun teu ngumbara heula.”

Patih Hariang Banga kersa murud ngetan, maan kuringna satak sawe nitih lemah Majapahit.

Puputra prabu Mula.

Prabu Mula arina puputra Prabu Terus bawa.

Terus bawa puputra

Katja 22.

Terus bagawat.

Terus Bagawat puputra Prabu Terus Gumuling.

Prabu Raja Gumuling puputra Prabu Mangngoneng.

Prabu Mangngoneng puputra Prabu Terus bangbang.

Terus bangbang puputra Ki Gedeng Messer.

Ki Gedeng Messer puputra Ki Gedeng Djati.

Ki Gedeng Djati puputra Ratu Prewata

Ratu Prewata puputra Ki Gedeng Majanah.

Ki Gedeng Majanah puputra istri, dingarankeun Ratu Sarikem.

Arina krama ka wong ngagung kabatullah, dingarankeun she Kures.

Kaselang ngan ku Ratu Padjang manyakit wawatuneun nejngan budak bulu pitambaeun. [ 136 ]Nimu Ki Gedé Selang, putri dianggo, manyakit warasna.

Putri tuluy bobot.

Arina babar Ki Gedeng Kacung.

Ki Gedeng Kacung arina puputra Ki Gedeng Suruwud.

Ki Gedeng Suruwud,

Katja 23.

arina puputra Pangéran Sedang Karapay (Karapyak 1601-1613) puputra Pangéran Sedang Kajenar.

Pangéran Sedang Kajenar puputra Pangéran Sedang Kamuning.

Pangéran Sedang Kamuning puputra Sutan.

Sutan arina puputra Susunan (Tegalwangi 1677).

Susunan arina puputra Susunan Mangkurat.

Susunan Mangkurat arina puputra Pangéran Dipati, katapa ku kang rayi Susunan Puger, puputra Pangéran Mangku Nagara.

Pangéran Mangku Nagara puputra Pangéran Dipati.

Caritakeun deui Ciung Manarah; karsa rék murud ngulon.

Mangka maan kuring panday domas kurang hiji nitih lemah Pajajaran.

Arina krama ka Ratu Éndong Kancana.

Arina puputra Darma Réhé.

Darma Réhé arina puputra Lutung Kasarung.

Lutung Kasarung arina puputra Prebu Lingga Hiyang.

Prabu Lingga Hiyang puputra Prebu Lingga Wesi.

Prabu Lingga Wesi arina puputra Prebu Lingga Wastu.

Prabu Lingga Wastu arina puputra Sang Susuk Tunggal.

Katja 24.

Sang Susuk Tunggal arina puputra Prebu Munding Kawati.

Prabu Munding Kawati puputra Prebu Anggalarang.

Prabu Anggalarang puputra Prabu Siliwangi, jumeneng nyakrawati Pajajaran.

Paririmbon.

III

Alamat impian.

Nurutkeun kapercayaan bangsa Sundaanu lumrah; ngimpi the nyaeta laku lampah sukma sabot jeur sare. Upama urang sare, sukma urang the ka luar tina kurunganana, naon-naon pagaweanana jeung pamangihna dina waktuna keur lumantung tea, nya jadi ngimpi cenah. Malah sok rajeun aya sukma anu nyasab, kasarung teu bisa mulang kana jasadna, kasarung teu bisa mulang kana jasadna, tangtu anu kitu jadi maot tea balukarna. Manawi sadayana oge parantos uninga, atanapi ngadangu yen kolot-kolot mah kacida ngalarangna teu meunang merong, nyulang-nyaling atawa nyoletan beungeut nu sare, ari sababna nurutkeun katerangan kolot tea mah, taya lian ngan bisi sukma sukmana eta anu sare tea, teu bisa mulang deui ka jasadna lantaran panglingeun kana ragana, pedah salin rupa. Lian ti aya kapercayaan eta, aya deui undakna percayana kana impian the, nyaeta sok jadi alamat kana hade jeung gorenganu ku urang bakal kasorang, malah bisa disarebut, ilapat ari diantebkeunana pisan mah. Ku tukang itungan patangan mah ngimpi the dibagi tilu bagian, nyaeta : 1. Riwan, 2. ilapat, 3. ilham.

Riwan hartina ngimpi dina sare sagawayah, sare ti beurang, sare sore-sore, atawa ngimpi kaisuknakeun.

Ngimpi riwan, tara jadi alamat, lain ilapat, malah ilaharna disebut kabawa-bawa ngimpi, atawa kaimpi-impikeun, nyaeta naon-naon kalakuan urang keur nyaring, anu kacida cumantelna kana hate, atawa anu kapiangeun-angeun dipindo kasorang dina keur sare. Sok rajeun jadi riwan deui, upama sare kasawur ku sora au ngaromong, nu seuri atawa kukajadian anu sejen, anu sumanding kanu keur sare tea.

Asup keneh kana ngimpi riwan, lamun keur sare ditindihan eureup-eureup, atawa sarupaning impian anu disangka panggoda setan. [ 137 ]Impian-impian anoe disangka asal lantaranana tina papakean, pakakas atawa barang sėjėn anu dipakě atawa tumerap dina badan, atawa panggawě anggahota anu teu diniatan sabot keur sare, eta oge kaběh riwan baě; saperti: ngimpi ngapung pedah sare dibaju, ngimpi dicongcong lentah pedah aya remeh napel, ngimpi tiguling lantaran suku ngeleset, jst.

Ilapat, nyaeta ngimpi anu jadi alamat tea, ngimpi enya cenah, datangna oge biasana tara dina sambarang sare, tapi milih waktu nyaeta tengah peuting babakuna, komo lamun dina malem juma’ah mah.

Ngimpi Ilapat oge aya rupa-rupa, nya eta:

1. Anu jadi alamatna tea, silib atawa sindirna tina anu saenyana, saperti ngimpi titeuleum, alamat bakal cilaka. Ngimpi nanjak bakal susah (ceuk sawareh bakal anek pangkat). Ngimpi nimu duit bakal radang, jst.

2. Anu jadi alamat tea sabalikna tina nu saenyana bakal kalampahan, ngimpi untung bakal buntung, ngimpi dipuji bakal meunang wirang, ngimpi bungah bakal susah, jst.

3. Anu jadi alamat tea saenyana, ceples anu kaimpi tea nu bakal kasorang teh, saperti peuting ngimpi papanggih jeung baraya, ari isukna gok papanggih. Ngimpi leungit duit, ari isukna loket aya nu maling. Di panyabaan ngimpi pamajikan gering, ari datang ka imah nyampak pamajikan payah, jst.

Ari anu disebut Ilham, sok dienut kalungsuran wahyu, ieu oge aya tahapanana, aya tempo-tempona, nurutkeun waruga ragana iman nyaeta: 1. Piwuruk atawa pituduh ti bangsa luluhur, babakuna ti karuhun atawa sepuh anu geus teu aya di kieuna, saperti: meunang piwulang ti aki buyut, ngabejaan kudu ngaji kitab anu, atawa meunang piwejang hiji elmu kaluhungan ; aya aki-aki nuduhan pependeman, dina itunganana (iyeu sok diasupkeun kana golongan ilapat), 2. Kalungsuran wahyu pangeran, ati padang tarawangan. Sareng lian ti eta aya keneh tahapan sanes, anu langkung luhung, malah di dieu mah geus ingkar tina babasan ngimpi.

Kajabi ti derahan eta, sok aya deui anu mapari ijerahanana tina bab ngimpi teh, nya eta saurna ngimpi teh sanes tukuh kudu dina keur sare bae, tapi anu nyaring oge sering ngimpi. Mapan sering bukti, panon buncelik ngajentul milu ngariung, ari ditanya ngarenjag. Tah, saurna, eta oge ngimpi keneh, nya eta anu ingetan teu kumbuh, ngencar henteu katungkul kakurung ku baku, jalan mengpar kaluareun nu keur disorang, eta ngimpi pibasaeunana. Geuning sering lamun aya kanca anu keur enya nayrita, batur ujug ngagelenyu, imut pampolana mah seuri ngabarakatak sorangan, eta laku anu kitu gundam tea pingaraneunana, jadi sanes ngan tepi kana ngimpina bae dina nyaringna oge.

Ana keur nyaring mindeng ngimpina, lantaran teu tigin kana ngahiji, dikencar ngumbar sorangan, embung gulung jeung lulugu, atuh komo keur sarena mah, meureun asa jongjon anclang-anclong henteu aya nu ngarewong, henteu kaweur henteu kagimbreung-gimbreung.

Malikeun deui pangali, malikan alamat impian, nurutkeun kapercayaan urang dieu, impian the jadi ilapat tea, ieu dihandap diserat alamat-alamatna, nurutkeun paririmbon jawa kenging nyutat tina Djawa No. 4.2. Jaargang, ditambihan ku anu biasa dipercaya ku Sunda.

1. Ngimpi nyaho di allah, bakal tinekanan maksud (karepě dadi)
2. Ngimpi suka-suka, bakal paila bakal susah.
3. Ngimpi papanggih jeung Kangjeng Nabi Muhammad, bakal pinanggih bagja lahir batin
4. Ngimpi ningal cukang sirotolmustakim, bakal ngalakonan panggawe bener
5. Ngimpi nyukang dina cukang sirotolmustakim, bakal moal aya nu cangcaya, bakal dipercaya ku jelema.
6. Ngimpi teu nyukang sirotolmustakim, bakal gering.
7. Ngimpi ngaji, bakal nyimpang tina agama.
8. Ngimpi papanggih jeung sahabat K. Nabi (abu Bakar, Umar, Usman, ali), bakal migawe kahadean atawa eunang elmu. [ 138 ]
9. Ngimpi kiamat, bakal keuna pitenah atawa bakal ngalakonan gawe masiat.
10. Ngimpi loemakoe ngaler, bakal meunang redjeki.
11. Ngimpi ningal panonpoe at. Boelan, bakal beunghar. (Tjeuk oerang Soenda, bakal oentoeng meunang daradjat gede, bakal boga anak pinter).
12. Ngimpi samagaha, bakal meunang pantjabaja.
13. Ngimpi srangenge toemoeroen ka boemi, asoep ka imah, bakal meunang daradjat.
14. Ngimpi ningal mega beureum at. Mega hideung, bakal aja pantjabaja (roepa-roepa kasoesahan) di desana.
15. Ngimpi langit poek, bakal moal pertjaja kana agama.
16. Ngimpi ka hoedjanan, bakal aja anoe mere redjeki.
17. Ngimpi nendjo hoedjan, bakal djadi loerah.
18. Ngimpi katebak angin, bakal roeksak desana.
19. Ngimpi katebak angin laoet, bakal eleh perang.
20. Ngimpi ningal hoedjan atawa hoedjan angin ti kadjaoehan, bakal bakti ka ratoe.
21. Ngimpi hoedjan boeah, bakal meunang kaboengahan.
22. Ngimpi mandi dina tjai herang, bakal djaoeh tina kaprihatinan.
23. Ngimpi ningal waloengan keur gede tjai, bakal tapa (Tjeuk oerang Soenda mah, bakal manggih amarah, pipaseaeun)
24. Ngimpi ningal waloengan ngoletrak tjaina, bakal kaandjangan oerang desa sedjen atawa bakal diloerahan koe oerang desa sedjen.
25. Ngimpi teuleum di talaga, bakal djadi djelema kerdika (Tjeuk Soenda mah bakal tjilaka).
26. Ngimpi teuleum di waloengan, bakal pinanggih bagja (Tjeuk Soenda bakal tjilaka).
27. Ngimpi ngojaj, bakal moebah panggawena.
28. Ngimpi ngaloentjatan waloengan, bakal pondok oemoer.
29. Ngimpi tjai laoet amis, bakal meunang redjeki, oentoeng djalan tina roepa-roepa pantjabaja.
30. Ngimpi nginoem soesoe, bakal meunang redjeki halal.
31. Ngimpi boga hajam djago, bakal boga anak lalaki.
32. Ngimpi loba hajam, bakal rea moerid anoe goegoeroe.
33. Ngimpi ningal daging at. Meuntjit sato bakal meunang kahadean (Tjeuk Soenda: mah bakal kapapatenan).
34. Ngimpi loebak liboek daging embe, bakal rea noe njoro redjeki (Soenda: bakal kapapatenan).
35. Ngimpi ningal gadjah, bakal diasih koe ratoe. (Di Soenda mah koe maoeng lain koe gadjah).
36. Ngimpi kadatangan gadjah, bakal katamoean koe menak (Di Soenda mah koe maoeng lain koe gadjah).
37. Ngimpi aja gadjah asoep ka imah, bakal djeneng, naek pangkat.
38. Ngimpi digegel sato galak, bakal diasih koe djelema.
39. Ngimpi ningal pamegaran oraj matih, bakal diambek koe pamadjikan.
40. Ngimpi ningal liang oraj, bakal panjang oemoer.
41. Ngimpi kahoeroean, bakal tjilaka gede (Soenda bakal manggih napsoe).
42. Ngimpi ngampihan seuneu, bakal tjoekoel pakaja.
43. Ngimpi nenjo goenoeng, bakal meunang bedja.
44. Ngimpi njaba ka goenoeng, bakal meunang noegraha.
45. Ngimpi kaloear ti leuweung, bakal leungiteun.
46. Ngimpi asoep ka masigit, bakal meunang bagdja.
47. Ngimpi njieun imah, bakal laksana karepna atawa bakal boga pamadjikan.
48. Ngimpi aja anoe mergasa, bakal pinanggih soesah.
49. Ngimpi asoep ka naraka bakal gede dosa.
50. Ngimpi ngedegdeg atawa hareudang, bakal kadatangan tjilaka, karoegian.
51. Ngimpi aja angin gede, tatangkalan raroengkad, bakal paila atawa aja anoe ngaroeroeg.
52. Ngimpi aja ditengah sagara, bakal meunang doeit. [ 139 ]
53. Ngimpi palid ka laoet, bakal laksana anoe disedja, tapi batoer rea anoe ngewa.
54. Ngimpi ngarasa panas, bakal meunang redjeki tina djalan serong.
55. Ngimpi dahar boeah, bakal aja noe matjikeuh.
56. Ngimpi ningal warna-warna kembang, bakal djadi pangkat.
57. Ngimpi dahar laoek embe, bakal meunang redjeki (Soenda: ngimpi dahar laoek bagong).
58. Ngimpi dahar laoek sape, laoek moending, laoek hajam, atawa letah, bakal meunang kahadean.
59. Ngimpi kabojong koe moesoeh, bakal balik ka bali geusan ngadjadi.
60. Ngimpi tepoeng djeung Nabi Isak, bakal sakti at.meunang daradjat.
61. Ngimpi ka sawarga, bakal laksana sakabeh karep.
62. Ngimpi kaloear ti sawarga, bakal roentag babandaan.
63. Ngimpi ningal naraka, gede doesa koedoe tobat.
64. Ngimpi kiamat, bakal djeneng naek pangkat at. Tinekanan sakarepna
65. Ngimpi ningal bentang, bakal meunang bagdja.
66. Ngimpi oenggah ka langit, bakal meunang daradjat gede.
67. Ngimpi samagaha sarangenge at. Boelan radja bakal soesah lantaran nagara roeksak.
68. Ngimpi boelan asoep ka imah, bakal oentoeng gede.
69. Ngimpi ningali tjai datang, bakal moenggah hadji (Soenda: bakal amarah).
70. Ngimpi teuleum dina tjai kiroeh, bakal tatapa.
71. Ngimpi ningal waloengan tjaina herang, bakal nampa barang emas-inten.
72. Ngimpi nginoem ti waloengan bakal diseuseul koe doenoengan, tapi laksana panedjana.
73. Ngimpi teuleum dina tjai herang, bakal soegih.
74. Ngimpi nginoem tjai herang, bakal tegoeh agamana.
75. Ngimpi nginoem anoe kentel kentel, bakal boga emas perak.
76. Ngimpi ngaloentjatan waloengan bakal pondok oemoer.
77. Ngimpi paparahoean bakal soesah.
78. Ngimpi toetoeroeboen ka talaga, tobat ka Allah.
79. Ngimpi ningal sinar sarangenge, damar atawa haseup bakal gampang sagala karep.
80. Ngimpi ningal seuneu ti kadjaoehan, bakal panjang oemoer.
81. Ngimpi kapeutingan, kasasar lampah.
82. Ngimpi djadi lintoeh, bakal loepoet tina baja.
83. Ngimpi ningal goenoeng at seuneu ti kadjaoehan bakal diasih koe doenoengan.
84. Ngimpi lintoeh bakal oentoeng.
85. Ngimpi sambeang, bakal laksana panedja.
86. Ngimpi ditjabak sirah, bakal tinekanan sapanedja.
87. Ngimpi kaandjangan, bakal mimitran djeung saloehoereun.
88. Ngimpi diragap awak, bakal gering parna atawa bakal kasemahan baraja.
89. Ngimpi papanggih djeung awewe, bakal kawin.
90. Ngimpi beungeut djadi bodas, bakal boga pamadjikan.
91. Ngimpi diboera oraj, bakal meunang pipamadjikaneun bakal kawin.
92. Ngimpi dipatjok oraj, bakal tjilaka koe moesoeh.
93. Ngimpi papanggih djeung Malaikat, djeung Nabi Adam, djeung Widadari bakal djadi gegeden.
94. Ngimpi hajang boeboeang bakal salamet.
95. Ngimpi nandjak ka goenoeng, bakal naek pangkat.
96. Ngimpi nimoe pakarang, bakal naek pangkat.
97. Ngimpi mandi bakal gering.
98. Ngimpi toempak koeda, bakal gering.
99. Ngimpi boeboeang, bakal katjilakaan, leuleungiteun.
100. Ngimpi newak manoek, bakal meunang bagja.
101. Ngimpi imah kahoeroean, bakal meunang bahaja gede.
102. Ngimpi kadatangan djelema rea, bakal kapapatenan.
103. Ngimpi hiber, bakal oentoeng.
104. Ngimpi katinggang kai, bakal tjilaka gede. [ 140 ]
105. Ngimpi soemoer pinoeh koe tjai, bakal tjoekoel sagala gawe.
106. Ngimpi geloet eleh bakal gering.
107. Ngimpi disalin koe papakean weuteuh, bakal naek pangkat boga gawe anjar.
108. Ngimpi tjatjarita djeung sepoeh anoe geus teu aja di kieuna, bakal pandjang oemoer.
109. Ngimpi soehoenan tisorosod, bakal soesah.
110. Ngimpi nimoe doeit, bakal leungiteun (Tjeuk oerang Soenda bakal radang).
111. Ngimpi maehan oraj, bakal moal djadi sakarepna.
112. Ngimpi dipatjok oraj matih, bakal di asih koe awewe.
113. Ngimpi noengkoelan noe kariaan, bakal aja noe kapapatenan.
114. Ngimpi poenglak hoentoe ti loehoer, bakal kapapatenan koe baraja saloehoereun.
115. Ngimpi poenglak hoentoe ti handap, bakal kapapatenan baraja sahandapeun.

Sawer Si Roentjang Koendang.

1.	Asalamoealaekoem,
	Si Baji Raden Kawati,
	Si Lenggang gereleng herang,
	Si hening atjining bening,
	Si Padang sipoe pandjang,
	Anaking anak papanting.
2.	Si Koentjoeng Si Aroem tandjoeng,
	Si Atji atjining-hening
	Si Lenggang gilang goemilang,
	Si Ginding Si Pada ngaping,
	Si Poerba wisesaning Jang,
	Hatoeran bagea soemping
3.	Disoewoek kidoeng djeung kidoeng,
	dipirig dangding djeung dangding,
	pada welas noe maridang,
	pada asih noe njaranding,
	sawerna Si Roentjang koendang,
	pameulit ati noe ngaping.

4.	Lailahailellohoe,
	Kawitan sawer kiai,
	Moehammadoerrasoelloellah,
	Eusina sawer ki santri,
	Poesaka sawer baheula,
	Dirampid sama sakali.
5.	Poen sampoen amitan ampoen,
	ka Batara ka Batari,
	Batara para dewata,
	Batari para dedewi,
	Batara teroesing rasa,
	Rasaning sawer kinanti.
6.	Amit ka Batara Goeroe,
	goeroe poetra goeroe poetri,
	goeroe poetra naga radja,
	goeroe poetri naga sepi,
	goeroe Sang kama dirasa,
	goeroe roemasaning boedi.
7.	Noe mantjoer mantjoer di panggoeng,
	anoe ngaping sakoeriling,
	noe ngajang di awang-awang,
	anoe ngaping beurang peuting,
	noe ngabangbang raga oerang,
	anoe ngaping raga aing.
8.	Pitik toelak pitik toekoeng,
	toetoelaking djabang baji,
	toelak rantjana wisaja,
	toelak noe hiri noe dengki,
	toelakna kalimah sada,
	sada moeni koe djasmani.
9.	Koer bajoe koeroengan bajoe,
	koer baji koeroengan baji,
	koer sawanan sasambetan,
	saderek medal sapeuting,
	tah tampa dina taweuran,
	ninggang sisindiran dangding.
10.	Bajoe diawoer koe boe,
	koenir diawoer koe koenir,
	panglaj diawoer koe panglaj,
	doeit diawoer koe doeit,
	beas diawoer koe beas,
	eusi kasaoeran santri.

[ 141 ]11. Hu Allohu Ya Alloh,

Bismilahi bismilahi,

pajagalan nu walatra,

candoli nu matak mahi,

kabayan musna sabulan,

katuruban ceuli munding.

12. Tangtung kagimbung ku tangtung,

budi ka irid ku budi,

welas katebak ku welas,

asih kairid ku asih,

cahya karerab ku cahya,

mulih ka alaming suci

13. Nu mungpung nungtun rahayu,

jasmani kalangkang ati,

nya raga kalangkang rasa,

sumping tandaning miasih,

ear tandaning miwelas,

pambrihna hayang lestari

14. Amin amin Ya Allahu,

pipokkeun kuring titadi,

mugi mugi muga muga,

lastari nu dipiati,

laksana nu dipimanah,

ulah madawa madawi

15. Neda agung nya paralun,

ka nu nyaranding sraumping,

mihape waluya urang,

mihape eling ka eling,

mihape barang kasorang,

mihape weling anaking

16. Ka luhur ka Sang Rumuhun,

para Nabi para Wali,

para arwah nu sampurna,

para wargi nu suwargi,

neda jiad berekahna,

hayang jamuga jamugi

17. Yahudat wejibul wujud,

nu disindiran ti tatadi,

nya waluya nya waluya,

nya jamuga nya jamugi,

ya Allah wawlohu ‘alam,

ya amin robul ‘alamin

__________ ¹⁾ karangan Djoeragan H. Hasan Moestapa Pangoeloe Bandoeng Pangsioen, kintoenan M. Wangsa Atmadja.

Oenak-anik basa Soenda IV

	Harti kecap-kecap basa kawi anus ok dipake ngaran, numutkeun katerangan dina Woordenboek tuasn Roorda.
Wira	kawasa, prajurit, senapati, priyayi, pinunjul, sarua wae hartina djeung Wirja, nja eta anoe gede wawanenna kana madjoe perang.
Prawira	prajurit, menak turunan luhung, satria, nu panceg ajeg wawanenna
Warga	baraya, sanak, kadang. Warga (skr) = ihwan, anu sarua tahapanana atawa Sastra: aksara, tulisan, buku elmu, kitab, elmu basa wirya, nyaeta anu gede wawanenna kana amju perang martabatna pikiran, anu suddagan, sapartay Surya: Suriya = srangenge, panon poe, ratu, raja Nata : ratu, raja Niti aturan, papagon, elmu ngaheuyeuk nagara, perang, adil, gajah Jaya : Unggul, kuat, mujur, sakti wenang Naya: ulat, pasemon, semu, pulitik Yuda: perang, pakarang, gagaman Suta : anak, putra Karta : kerta = rahayu, beres, teu aya pikaharing-hangeun, henteu werit, aman, Pura: nagara, kadaton, karaton Prana: ati, budi, cipta, meneran, tuju, prata (Skr), ambekan, pancadria Purwa: purba= wiwitan, asal, mimiti, baheula, kuna, wetan Wangsa: sanak, baraya, bangsa Mangun: gawe, imah, bangun, reka Maja: Ja= anak, medal Cita: cai, pamandian anu dipunjung-punjung, pamandian anu harengheng, Brata: tapa, lampah, laku

[ 142 ]

Soera	=	1. Dèwa, Batara 2. pradjoerit anoe gedè wawanèn, wani, wawanèn 3.anak sapi.
Pradja	=	1. nagara 2. volk, djelema-djelema, ra’jat.
Koesoema	=	kembang, mènak agoeng, sesebutan ka istri anoe geulisna pinoendjoel, mènak anoe diadjènan.
Ganda	=	(Skr Gandha) = seungit, seuseungitan.
Karna	=	tjeuli, tjepil.
Harja	=	Redja = èndah, alus, ngagenjas, pantes, murah sandang pangan tur salamet, boengah, langen.
Suwita	=	kawoela, abdi, ngaoela, ngabdi, noeroet.
Atma	=	njawa, hoerip.
Atmadja	=	(Atmaja Skr) - Atma = anak, poetra.
Sasmita	=	isarat, tanda, alamat, imoet, goemoedjeng, seuri.
Di = Adi	=	Hadhi = èndah, aloes, taja koetjiwana, lineuwih, anoe pangpoendjoelna, pangpangna, pangmimitina.
Adiningrat	=	anoe pangpoendjoelna di doenja, anoe pang mimitina di doenja, anoe pang soetjina at. anoe panglineuwihna di doenja.
Wi	=	lineuwih, banget, katjida, leuwih.
Kantjana	=	emas.
Soedjana	=	djelema hadè, ati-ati, ijatna, tjangtjajaan, prejatna.
Swandana	=	karèta, karèta paragi perang.
Siti	=	tanah, boemi, tempat matoeh.
Ningrat	=	ing rat = doenja, ti sakoeliah doenja, di antèro doenja, saalam kabèh.
Soema	=	kembang (Koesoema).
Soma	=	boelan, tjaang.
Marta	=	woelang, hoerip, tjai hèrang, wening.
Denda	=	pangabaran, pakarang, katjida, kawasa.
Rana	=	pangperangan, tempat perang.
Ranoe	=	(ranau, danau, dano) talaga, tjai, talaga anoe kalioeng koe goenoeng.
Manggala	=	mimiti, wiwitan, pangharepan, pradjoerit, gadjah, oentoeng (salamet).
Raksa	=	ngaraksa, ngadjaga.
Asta	=	hasta, leungeun.

Pihatoer Redaksi.

Diantawis para juragan anu mundut jadi langganan P.S, aya anu henteu ngintunkeun pos wissel pikeun mayar artos langganan, dugi ka ku redaksi kapaksa dikintunan postkwitansi. Nanging matak harandeg, reh aya postkwitansi anu balik lengoh tur eta anu cidra teh pikaisineun.

Nanging sawangsulna ka para juragan anu sanes anu pada merlukeun ngabayuan P.S, Redaksi unjuk nuhun.

Postwissel anu parantos katampi ti wangkid 20 Desember 1922 (Tingali P.S. No.7) dugi ka Februari 1923, nya eta ti juragan-juragan:

307.	M. Kd. Martadisastra, Singaparna.
672.	R.Djoendjoenan, Ind. Arts Taloe
673.	Biblioetheek Pasoendan, Surabaya.
657.	M. Lesmanadipoera, Cimindi
640.	Djoer. Anong Afd Bank bogor
469.	Djoer. Nawawi, Panaragan Kaler
-- --	Djoer. Soelaeman Osvia, Serang f 12,25 303. Djoer. Kd. Soediredja, Garut -- -- Djoer. E. Soedjana N. School Serang f 17.- 478. Djoer. Wiradjiwa, Bandung 288. Djoer. Mh. Soemardi, Serang 209. Djoer. O. Wiradinata, Tasikmalaya 679. Djoer. Tan Tek Tjoen, Dawuan f 1.- 365. Djoer. Soeriawidjaja, A.W. Mancak banten 628. Djoer. Oe. M. Neneng, bogor 693. R. Odang, Boscharchitek Sukabumi 596. Djoer. P. Lie Tjeng San, Buitenzorg/ Bogor 308. Rd. Koesoemasoedjana, Ind. Arts. Blinyu 676. Djoer. Djoenaidi, toko Inten Biduri Bandung 641. Rd. Sartrasentana, Bogor -- -- M.I. Prawiranata, Bandung f 2.16 593. Djoer. Prawiratmadja H.O. Singaparna 550. Rd. A. Tisnakoesoemah, Djoer. Wadana Karangnunggal

[ 143 ]

moen goeroe masih hiroep, peupeudjeuh oelah wani-wani, mapatahan noe lian, tah koesabab kitoe, kakang teu bisa miwoelang, ngan noedoehan goeroe kakang hadji pasti,

noe koedoe digoeroean. Sadjabina henteu beres goendoekna sora teh, bilanganana deuih

henteu toemoet oengkara, toeroeg-toeroeg neundeunna ketjap teu ninggang, teu

poepoegoeh dina padalisan noe ka 9 bet gek bae dipernahkeun ketjap pasti.

Anoe sae marga loejona, anoe leres bilanganana, noe beres goendoekna sora, anoe

ninggang gek-gekanana ketjap:

Sagebroelan nonoman pawestri, namoeng teu nganggo panggondeng, angkatna semoe

njengkoeg, mana horeng sapatoe djaging, noe djengke djangkoeng hakna, na aja

kajoengjoen, kamadjengan istri soenda, daweung loedeung pasemon taja kaadjrih,

boeboehan paladjaran.

Ajeuna mangga oerang ladjeng nataan, bilangan hadji-hadjina poepoeh, oengkarana :

2 sinon, 9 padalisan,

1.a=8

2.i=8

3.a=8

4.i=8

5.i=7

6.oe=8

143

 

[ 144 ]304. Rd. Wiradiatmadja, Djoerg. Patih Tjiandjoer

406. Djoer. Moeh. Mardjoeki, Tjipanas Tjiandjoer

301. Djoer. Wirasendjaja, Tiandjoer

501. Rd. Soeriaihardja, Djoer. Wadana patjet.

500. Rd. Wiratanoeningrat, Tjiandjoer

-- - Djoer. Mantri Goeroe No. 1 Tiandjoer

-- - Djoer. Mantri Goeroe Tiandjoer?

-- - Djoer. Mantri Goeroe kl. II. Tiandjoer?

-- - Djoer. Mantri Goeroe kl. II. Tiandjoer?

505. Rd. Kartadipeora, Djoerg. Patih Tjiamis

480. Djoer. Natadihardja, Tiamis

-- -- Djoer. Mantra Goeroe No. 1 Tjiamis

-- -- Djoer. Mantra Goeroe kl. II Tjiamis?

261. Rd. Soendakoesoema, djoer. Djaksa Tjiamis

92. M. Soetasentana, Tjiamis

174. Djoer. Soebitaatmadja, Tjiamis

277. M. G. Kartaatmadja, Tjiamis

535. Rd. Bratawinangoen, Djoer. Wadana Pandjaloe

312. M. Somahardja, Djoerg. S.O. Kawali

311. M. Karnadiredja, Djoerg. S.O. Tjilegon

431. Rd. A.A.A. Djajadiningrat, Kangdjeng dalem serang

436. Rd. Kartodikoesoema, serang

320. Rd. Soepian Iskandar, serang

321. Rd. ismail Djoer. Gambar Serang

183. Rd. Nataprawira, serang

376. M. Moeh. Mangoediwia, serang

370. Rd. Martadilaga, serang

419. M. Wiriaatmadja, Radjapolah

228. Ardiwidjaja, Tasikmalaja

590. M.O. Sastramadja, Tasikmalaja

306. Rd. wiradiradja djoer. S.O. Tasikmalaja

153. Djoer. O. Sasmitawidjaja, Tasikmalaja

159. Rd. Kartadibrata, tasikmalaja

208. M. soemadiwangsa, tasimalaja

221. Rd. Wangsanagara Djoer. Tjamat tasik

549. Rd. Soeriaatmadja Djoerg. Wadana Taradjoe

548. Rd. Soeriawilaga Djoerg. Wadana Singaparna

498. Rd. Ad. Wiratanoeningrat Kandjeng Dalem Tasikmalaja

495. M. darmadji Djoerg. Patih Koeningan

30. Rd. Martadiredja Djoerg. Djaksa koeningan

959. M. Wiraatmadja, Koeningan

513. Rd. Rg. Wangsaatmadja djoerg. Wadana Bandjaran

728. Djoer. A.J. Bos Bandung

729. M. Hadji Moehamad tahir Djoerg. Djaksa Brebes

Panambih.

Dantawis Djoer. Mantri Goeroe kl. II, aja anoe katampi postwisselna teu aja tempatna, moeng disebat Tjiandjoer at. Tjiamis woengkul. Koemargi eta moegi kersa maparin katerangan : 1. Djenengan 2. tempat, soepados oelah matak kaliroe sareng anoe teu majar.

Redaksi.

---

Kalawarta Poesaka Soenda

Taun ka-1	Taun ka-2	Taun ka-3	Taun ka-4	Taun ka-5	Taun ka-6
1922-07	1923-07	1924-07	1925-07
1922-08	1923-08	1924-08	1925-08
1922-09	1923-09	1924-09	1925-09
1922-10	1923-10	1924-(10-12)	1925-10
1922-11	1923-11	1925-01	1925-11
1922-12	1923-12	1925-02	1925-12
1923-01	1924-01	1925-03
1923-02	1924-02	1925-(04-05)
1923-03	1924-03	1925-06
1923-04	1924-(04-05)
1923-05	1924-06
1923-06