Poesaka Soenda 1923-08-2(02)
| Poesaka Soenda 1923-08-2(02) (1923) |
|
No. 2 |
Augustus 1923 |
Tahoen ka 2 |
|
POESAKA-SOENDA DIKALOEARKEUN KOE PAGOEJOEBAN JAVA-INSTITUUT Anoe djadi Redactie: Dr. R. A. HOESEIN DJAJADININGRAT TOEDJOEL SERAT : - LAAN WIECHERT 13. – WELTEVREDEN |
Oepami ngalanggan samboeng-lajang langkoeng mirah. |
|
ngintoenkeun eta artos langganan anoe moeng ƒ 3 (tiloe roepia) tea pikeun satahoeneun, ngetang ti Juli 1923, dongkap ka sasih Juni 1924. Moegi kamanah koe sadaja jen hiroepna P. S. teh, taja sanes moeng tina langganan tea, djadi oepami para Djoeragan teu enggal nohonan kana panoehoen Redaksi, tan wande P. S. kasorang bahaja. Ninggal berendelanana anoe parantos ngabajoean P. S. taoen ka doea, nja rada matak hariwang, tina entang-entangan keneh naker. Koe margi eta disoehoenkeun anoe sanget pisan ka sadajana para djoeragan anoe teu atjan ngintoen artos langganan pikeun taoen ka doea tea, soepados enggal-enggal ngawangsoelkeun deui balangko-poswesel saparantosna dilebetan perak tiloe tea, oelah sina moelang lengoh.
Para Djoeragan anoe pegat doeriat nolas moal nolih deui ka Poesaka-Soenda, nja henteu koemaha, da doelang tinande tea, |
| kapan ngan dipoloeng djeung dipitjeun: moeng panoehoen oelah ngeukeuweuk tjotjongoan, eta P. S. No. 1 taoen ka II, sareng ieu nomer doeana oge, kedah diwangsoelkeun deui ka kolotna di Weltevreden. Nja kitoe deui ka noe tambelar teu kersa ngabalandjaan, atoeh oerang pondok djodo pandjang baraja bae, da awet oge ari radjet mah tjoemah, moal matak djadi dangdanan era koe tatangga.
Koe margi eta ajeuna mah kade tjindek bae, oepami sakinten bade dianggo loeloemajanan disapirakeun mah narah. Mangga diongklangan, teu weleh ari mere omber mah, dongkap ka beh-ditoena, ping 15 sasih pajoen, sasih oktober. Oepami dongkap ka dinja teu aja bae pangbajoean, nja oerang bibilasan tea bae. Sareng perloe ka oeninga koe sadaja, jen njitak P. S. teh moeng sareana langganan, djadi bakal aja langganan anjar anoe moal nampi ti nomer hidjina, oepami teu enggal-enggal moendoet ti ajeuna. Koe margi P. S. nomer hidji parantos seep, anoe teu atjan nampi, nomer eta moegi kersa sabar heulaanan bade ngantos ti anoe diwangsoelkeun deui. Ka para Djoeragan anoe parantos merloekeun ngintoen artos, Redaksi oendjoek noehoen.
Samboengan P. S. No. 1 katja 4. Dasamoeka kasoran djoeritna, kapaksa pasrah salira ; moeng sakoemaha anoe parantos di tjarioskeun di loehoer, jen Radja Maespati, Sang Ardjoena Sasra, tigin kabeulit koe djangdji, teu kenging nelasan Rahwana. Dasamoeka kenging widi moelih deui ka Alengka, saparantos dibeungbeuratan koe sumpah, jen kedah ngaleboer tapak, megoeng napsoe nahan hawa pangadjakna amarah, nitih adil soetji ati, tebih ti noe enggeus-enggeus.
|
Nanging saparantos Rahwana soemping deui ka Alengka, koeda ngentjar ti gedongan, moengkoer ti noe djadi ratoe, dasar bedang ratoe napsoe, manan peroeh anggoer woewoeh, batan kapok kalah gawok, soempah teu aja goenana, der bae mapakdeui balad, bendoe ngagoedoeg-goedoeg, tikel toedjoeh ti kapoengkur, raos asa diwiwirang.
Saparantos sajagiasak pasini, nembe Dasamoeka djengkar deui, diiring koe senapati kapetengan noe garagah noe rarongkah, ngaleut ngeungkeuj ngabandaleut, ngagiring para wadia balad, estoe dikerid peuti saeusi nagri Alengka, rangkedoeh gagaman perang, gada toembak tameng-dada, langkoeng sajaga tohaga, batan ngaroeroeg moenggaran tea. Sasoempingna ka Maespati, teu tatapasini deui ger bae diperangan, dajeuh dikepoeng boeaja-mangap, diangseg teu meunang engap. Tina diambreg, teu bisa njeunghap, oerang Maespati kapeped, sarta Ardjoena Sasra Baoe poepoes koe panah di pangperangan. (Lalakon poepoesna Ardjoena Sasra Baoe anoe langkoeng tetela tingali : Sempalan ka III di pengker). Saparantos Rawana ningali moesoeh boebar katawoeran, ratoena geus poepoes kasamboet, nagarana geus roeksak dirandjah boeta, nembe tibra manahna soeka-soeka sabaladna, moelih deui ka Alengka, ngaladjengkeun taladjakna tjara noe ka toekang-toekang. Tah ringkesna lalkon Ardjoena Sasra Baoe teh moeng sakitoe pokona mah, pandjang soteh ditambihan koe sempalanana. Ieu dihandap dipedar deui sempalanana oge, noemoetkeun poko papakem asal.
Kakotjapkeun Widadari anoe djenengan Retna Windradi anoe dipigarwa koe Gotama, parantos kagoengan poetra ti Batara Soerja sadajana tiloe, nja eta:
Retna Andjani koe iboena dipaparin tjoepoe djoeroe woeloe (dalapan), anoe ka |
| siatna bisa nekanan sagala pamenta. Naon bae anoe disoehoenkeun, koe eta tjoepoe tangtoe dikaboel. Barang eta tjoepoe parantos sok dipaparinkeun koe iboena ka Retna Andjani, saderekna anoe doea, Soebali sareng Soegriwa, raos kateler-teler, asa dimomorekeun dibedakeun ti saderekna, iboena pilih kasih tjoetjoek panon, ngan miasih ka poetra istri. Soebali sareng Soegriwa sisirikan hojong tjoepoe poesaka, bade ngareboet kagoengan raina. Ramana, anoe djenengan Gotama tea, bendoe, ningali para poetra petjoh teu rapih, ladjeng bae tjoepoe poesaka ditjandak ti poetra, keleweng dialoengkeun. Ragragna eta tjoepoe nja djadi talaga Soemala. Para poetra anoe tilu tina kabita koe kasiat poesaka anoe sakitoe langkana, enggalna tjoepoe disoesoel. Barang saroemping ka talaga Soemala, Soebali sareng Soegriwa teu antaparah deui ngan gedjeboer bae toetoeroeboen ka djero tjai neuleuman tjoepoe tea, dihaben disasaran ditjapaan dina dasar talaga.
Retna Andjani oge ningali rakana ngaroedag tjoepoe, teu kersa kantun, nguntit noetoerkeun pandeuri, sarta djol deui soemping ka sisi talaga Soemala tea. Andjeunna liren sisi tjai teu miloe antjroeb, ngawaskeun ngantos rakana ti darat, sarta koe margi rakana lami teu tembong teu aja bae bidjil, ladjeng bae Retna Andjani ka sisi tjai ditamas bari ngumbah panangan, rasa maneh mokaha lantaran teu tahan koe panas, mentas angkat sakitoe tebihna. Tapi barang prak ngoembah panangan djeung raraj, teu kira-kira Retna Andjani reuwasna, reh dadak sakala pameunteu pinoeh koe boeloe, panangan nja kitoe deui, komo barang petjenghoel ningali rakana baridjil ti tjai, salin roepa seloear salirana rambosbos baroeloean, tjeples monjet itjal roepa satria, ganti woedjoed djadi koenjoek. Saderek anoe tiloe narangis patoengkoe-toengkoe tina raos wirang ganti roepa, salin sipat djadi monjet. Koe margi eta tiloeanana taja petana iasa moelih deui ka nagara, ngaraos isin koe iboe koe rama, nja’baris ladjeng tatapa, neneda ka Dewa, |
soepaja dibalikkeun deui roepa asal, poelih tjara baheula bihari. Eta anoe tiloe saderek arangkat ka goenoeng Soeniapringga, tatapa di dinja. Demi pasang petana tapa tiloeanana teu sami, Soebali tapa soengsang dina dahan kai tjara kalong meuting, mastaka noetoeg ka handap, siang wengi teu loengsoer geus teu dahar teu leueut.
Ari Soegriwa tjara lakoe peutjang mandjangan, mahpralan dangdaoenan djoedjoekoetan, ngenjoh teu aja eureunna. Retna Andjani njangheuj dina sisi tjai, ngeueum andjeun kawas bangkong. Mang taoen-taoen eta tiloe saderek tapana kitoe, siang wengi teu kendat neneda ka Dewa anoe kawasa. Katjarioskeun lami ti lami katingali koe Sang Oeti-pati, noe tapa sakitoe tjengeng mantengna, nja digandjar koe adjian kasaktian. Raden Soebali ditibanan mantra “Pantjasona”, adjian anoe kasiatna bisa paeh hiroep deui, sababaraha kali bae keuna koe pakarang, nadjan sirah tepi ka patoeraj, tangtoe tepoeng bisa hiroep deui. Sigegkeun anoe keur tapa kotjapkeun di Djonggring-salaka di sawarga kadewatan, Dewa-dewa keur pada kataradjang soesah, wireh sawarga baris dirandjah diroeksak deuk diroegroeg koe moesoeh oerang boeana pantja tengah, anoe djenengan Maesasoera, radja boeta anoe sirahna kawas sirah moending, tandoek ranggaek, pandjangna doea-doea depa, katjeloek sakti manggoelang-manggoeling, gagah hese neangan bangsana, nepi ka Dewa gimir pada miris, pisakoemahaeun lamoen tepi ka Sawarga kagiridig boeta. Para Dewa pada goenem tjatoer, ka saha geusan nyarandoe, moendoet toeloeng dipanglawankeun moesoeh. Enggalna geus rempag sadaja jen kedah mindangsaraja ka Raden Soebali anoe keur tatapa di goenoeng Soeniapringga, karana ngan andjeunna anoe pikadada-kadoegaeun njangga karosaanana Maesasoera. Raden Soebali sareng Soegriwa dipoendoetan toeloeng koe Dewa teh enggal sanggem bae, komo ngadangoe boeroeh, anoe baris dianggo pampoelang tarima ti Dewa nja eta oepama Maesasoera tepi ka paeh baris digandjar poetri geulis anoe djene- |
| ngan Dewi Tara, poetrana Batara Indra.
Ger Boeta Maesasoera diperangan awit diajenan koe Soegriwa, tapi teu kiat Soegriwa meh kateter. Nja ladjeng dilawan koe Soebali, didjorag koe doeaan ka enggonna di djero goeha Kiskenda, Soegriwa dipiwarang ngantosan di lawang goeha teu sareng lebet ka djero. Samemeh Soebali lebet ka djero goeha tempat boeta tea, andjeunna mere totonden heula ka raina, nja eta : Lamoen dina waloengan anoe bidjil ti djero goeha tea, ngotjor getih beureum, eta tanda Maesasoera djeung papatihna anoe ngaran Djatasoera anoe kasoran perangna, Soegriwa koedoe geuwat asoep njampeurkeun ka djero; tapi lamoen ngotjor getih bodas, tanda moesoeh anoe oenggoel. Soegriwa koedoe gantjang njingkah karana tangtoe Soebali anoe nemahan pati. Boes Soebali ka goeha, ger perang dihoeroep koe radja boeta Maesasoera djeung Djatasoera. Eta doe boeta eleh tanaga eleh bedas eleh pangawasa koe Soebali, tetela ti barang proeng perang jen Soebali noe oenggoel, tapi meh teter tina weleh eta boeta teu daek paeh, boga adji wedoek-banjoe, teurak teu aja tjedana. Toengtoengna eta doe boeta koe Soebali katewak, sarta barang kek katjerek poendoekna, geprak dihantja diadoe-koembangkeun datang ka boesrat-basret polona mengsret, teu lila toeloej paragat. Getihna patjampoer djeung polona ngotjor kabawa koe tjai ka hilir. Barang Soegriwa ningali waloengan tjaina beureum tjampoer djeung bodas, ngarendjag reuwas, reh emoet kana soebaja rakana, sarta geus teg dina manahna jen Soebali perangna awor, tangtoe poepoes doeanana boektina getihna tjampoer bodas djeung beureum. Tina dina manahna geus teu sak deui teu mangmang deui, jen rakana geus poepoes teu antaparah ngan brek bae lawang goeha teh ditoetoep koe batoe, sarta leos bae andjeunna mah angkat ka Kadewatan oendjoek oeninga ka Dewa, bari nagih djangdji moendoet poetri. Tina tetela satjarios Soegriwa jen Soe- |
bali geus poepoes, koe dewa henteu diengkekeun deui sok bae Dewi Tara dipasrahkeun ka Soegriwa, gandjaran pedah Maesasoera geus paeh.
Katjarioskeun anoe mentas perang tanding di djero goeha, saparantoes ningali moesoeh kantoen babatangna, loegina manahna senang, reureuh heula bari ngantos raina anoe bakal mapag. Nanging tina lami teu aja bae, enggalna ngaboejeng ka lawang goeha, sarta barang beh lawang ditoetoep koe batoe, raina geus teu aja, Soebali teu kira-kira kagetna. Keuheul djengkel ka saderek, naha tjidra teu ngoekoehan soebaja. Soebali aja manahna timboeroe. Sanggeus medal ti goeha, enggal bae andjeunna angkat ka Kajangan doemeuheus ka Dewa. Barang Soebali parantos kenging wartos ti Dewa, dadaran lampah saderekna, andjeunna teu madjar koemaha, henteu keukeuh keukeureuweut, kamanah taja petana njalahkeun, Dewi Tara djadi milik raina. Soebali djengkar ti kadewatan, ngalalana henteu ngaharoe biroe ka anoe keur oleng pangantenan. Soegriwa saparantos migarwa Dewi Tara , ngaraton ngadamel nagara di goeha Kiskenda tea. Doepi Soebali anoe tadina sadrah soemerah, keuna koe gogoda, kaangsonan karodjokan koe djoelig dengkina Rahwana, datang ka petjoh djeung Soegriwa, Dewi Tara diroeboet sarta Soegriwa ditoendoeng ti Kiskenda. Ari Rahwana pang nepi ka ngadoekeun Soebali djeung Soegriwa, lantaran kaomong koe pangosolna boeta anoe ngaran Sokasrana (Katrangan Rahwana ngansonan Soebali, engke bakal kapendak dihandap). Toengtoeng lalakon Soegriwa perangna sareng Soebali, parantos kaoengel dina tjarita Batara Rama. Katjarioskeun Retna Andjani saderek Soegriwa tea, nalika aja di leuweung andjeunna toeang “poetjoek asem”, anoe diragragkeun koe Batara Goeroe ti langit. Kersaning Sang Oeti-pati saparantos toeang eta, ladjeng ngandeg, nja barang borosot babar poetrana pameget mangroepa |
| monjet bodas, didjenengan Senggana atawa Anoman. Eta moerangkalih dirorok koe Batara Bajoe, dikoekoet dipoeloeng poetra, diwaris kasaktian kagagahan (Ladjengna tingali tjarios Batara Rama).
Dina roentoejan iboena Soebali sareng Soegriwa, aja djenengan doea poetra radja anoe kaseboet, nja eta Soewandagni sareng Djamadagni, rai raka. Raina anoe djenengan Djamadagni karesepna ngalalana ngadjadjah ka oenggal nagara, ari kersana taja lian ngan hojong ngabasmi noempes radja-radja naoe dalaim henteu adil. Soemawonten ari radja-radja boeta mah koe andjeunna dipapaj di oenggal goeha, disaksrak di oenggal leuweung, teu aja anoe kalaroeng diperangan ditaloek-taloekeun. Doepi rakana, anoe djenengan Soewandagni tea, benten pisan panganggona ti raina, ieu mah kersana ngamankeun doenja teh sanes koe djalan paksa piroesa, nanging koe djoenoen menekoeng moedja semedi siang wengi, mandita meuseuh salira, moentang ka Dewa Batara. Sang pandita kagoengan poetra doea, anoe tjikal djenenganana Soemantri, satria kasep teu aja bangsana, salira ninggang satilas, wanda tedak ti patapan, toeroeg-toeroeg kasipoeh koe elmoe, gagah rongkah pilih tanding, sakti manggoelang-manggoeling. Nanging ari poetrana sang Pandita anoe kadoea, djenenganana Soekasrana, teu mantra-mantra ka Soemantri, ieu mah lain-laina deui, goreng patoet teh dibeakkeun koe sorangan, pamoeloe estoe soeroep ka tangtoeng, tjatjap ninggang kana patjatjadanana, kedok onaman bakal saleuheung, meh sarimbag sareng perah bedog raoetaneun. Nja eta dedeganana boentelek boenteloe pendek njemploe mejekeh tenggeng ari beuheungna tjelenggang, taktak lewaj kawas korang, dekok ari tarang nongnong, iroeng pegek biwir djeding, ngohngor tonggar rada monjong, panon tjelong bangoen kemboe, ari koelit lestreng kawas birit seeng, Moeng waosna barodas raranggeteng, ngaboelaeh peurahan kawas oraj welang. Ana Sasaoeran |
galab arapap eureupeup, sentor sengor adat kasar.
Katjarios saparantos moerangkalih arageung, koe ramana baris disanggakeun ka Maespati ka Kandjeng Radja Ardjoena Sasra Baoe, soepaja diadjar koemawoela, adat tatambangan nagara. Doepi anoe bade dikintoenkeun teh moeng Raden Soemantri bae, margi ari Soekasrana mah taja petana, koeriak bae matak ngalingsemkeun ka sadajana. Nanging barang Soekasrana ngadangoe rakana baris angkat ka nagara, bakal koemawoela ka radja, keukeuh andjeunna hojong miloe, teu ngaroemasakeun maneh tanpa daksa. Raden Soemantri weleh teu kersa dipiloean tina lingsem sasarengan, toengtoengna doegi ka pasea tina keukeuhna noe hajang. Soekasrana diseuseul diseksekkeun koe Soemantri, ari ditjandak mah henteu. Raden Soemantri parantos aja di Maespati, ngabdi ka Ardjoena Sasra Baoe, katjida dipikameumeut dipikaasihna, sareng dianggo tanggelan tameng dada pangraksa nagara. Anoe kapertjanten dioetoes ka nagara Magada tea oge, ngalamar sareng mapag pigarwaeun Kangdjeng Radja, poetri Dewi Tjitrawati tea, nja Raden Soemantri. Nalika Raden Soemantri moelih ti Magada njandak poetri Tjitrawati, samemeh soemping ka nagara, andjeunna keuna koe tjotjoba panggoda, nja eta ngaraos tjangtjaja ka Radja, digoda koe boa keuna koe palangsia, manah hamham tina teu atjan oeninga enja kana kadigdjajaanana anoe ajeuna jadi doenoengan. Leuheung meueus moen estoe ratoe linoehoeng pinoendjoel, ngaoela teu panasaran, tapi koemaha lamoen ratoe sipoehan, migoesti kana sanglingan, lebar temen koe salira, ngaoela kanadjarian, njanghoeloe ks piroeroehan. Tina kitoe mamanahanana, nja andjeunna dagdagan rek ngadjoegdjoegan, meakkeun kapanasaran, didoega koe ditangtang perang. Enggalna ger bae perang tanding Soemantri sareng Ardjoena Sasra, pada ngadoekeun kasakten. Nanging ti barang proeng koe Soemantri geus karaos eungap, |
| tétéla katindihan pangarti, rumasa clok ti handap, dugi ka tungtungna Sumantri kapépéd, balaka yén henteu kuat, neda agung pangampura. Ku Kangjeng Raja Arjuna Sasra dihapunten, mung ku margi geus kumalancang kumawani ngalanggar cegahing nagara, Sumantri nembé baris ditampi deui migusti, upami iasa ngalaksanakeun pamundut kangjeng Raja, mindahkeun taman Sriwidari ka jero dayeuh Maéspati.
Radén Sumantri, najan ngaraos abot seunggah jeung wegah ngadangu timbalan Raja, nanging teu burung nyumanggakeun nyanggeman kana sadawuhanana. Ku anjeunna kamanah taya petana anjeunna nyalira iasa mindahkeun éta taman, tangtos kedah aya nu ngabantu. Anu kaerong piiasaeun kana kitu, taya lian kajaba ti sadérékna anu tanpa daksa téa. Ku margi éta énggal baé Radén Sumantri mulih ka patapan ramana nepangan raina, seja nyarandu mundut tulung. Radén Sokasrana ujug-ujug sanggup baé, ari pamundutna taya lian ngan sok mun dicandak ka nagara. Taman Sriwidari sareng sabregna parantos aya di jero dayeuh Maéspati ku pitulungna Sokasrana. Saparantos bérés Sokasrana masrahkeun taman Sriwidari ka Radén Somantri, nya pok deui unjukan hoyong tetep di Maèspati ngiring rakana, nanging ku rakana teu didangu anggur ditundung dijurung mulang. Tina keukeuh pada keukeuh dugi ka ger perang, sarta Radén Sumantri kalepasan biur baé mentangkeun panah cakra, jeplok keuna ka Sokasrana, harita kénéh Sokasrana katibanan, lajeng sukma tinggal raga, ngong aya soara, ”Beu teungteuingeun, téga ka nu tanpa dosa; rasakeun baé, baring suk pagi tangtu aya wawales, hutang pati bayar pati, hutang wirang bayar wirang!” Saparantos pupus raina Radén Sumantri diangkat jadi papatih Maéspati, sarta gentos jenengan Radén Suwanda. Ari Sukma Sokasrana lungsur di |
Ngaléngka, jadi warga Rahwana tukang ngangsonan ngarojokan kana julig laku dengki.
Patih Suwanda nya pupus ku Rahwana (Dasamuka) dina nalika Maéspati ditempuh.
Aya sambunganana.
Samboengan P. S. No. 1 katja 9.
|
__________ S. d. R.
|
SINOM.
|
| teu tolih ka pawarti, | |||
| catur galur teu digugu, | |||
| maju indit nyorangan, | |||
| lintar wanci tengah peuting, | |||
| kacaturkeun sabaturna pada reuwas. | |||
| 36. | Harita malem Salasa, | ||
| geus nepi ka isuk deui, | |||
| Alimukidam teu datang, | |||
| ku baturna pada ngungsi, | |||
| bisi titeuleum palid, | |||
| atawa kabawa laut, | |||
| tapi weléh teu aya, | |||
| ti dinya tuluy badami, | |||
| riung-riung néangan akal tarékah. | |||
| 37. | Keur kitu puncengis datang, | ||
| gancangna éta Ki Ali, | |||
| pada nanya ku baturna, | |||
| ka mana lampah ti peuting, | |||
| ari walon Ki Ali, | |||
| kuring téh peuting di laut, | |||
| keur lintar ngeunah-ngeunah, | |||
| henteu kanyahoan deui, | |||
| aya anu ninggang beurat kana awak. | |||
| 38. | Sihoréng téh ramat heurap, | ||
| kuring ampir henteu éling, | |||
| beuheung dikenyang ka luar, | |||
| ti dinya ngajerit ceurik, | |||
| tapi henteu ditolih, | |||
| kuring ditinggangkeun asup, | |||
| kana sahiji koja, | |||
| arék kabur hayang bijil, | |||
| henteu bisa da kojana luhur pisan. | |||
| 39. | Nyampak dina éta koja, | ||
| loba lauk rupi-rupi, | |||
| tina ku awahing reuwas, | |||
| boga rasa samar hurip, | |||
| kuring les henteu éling, | |||
| ari inget bet teu puguh, | |||
| linglung paroék tingal, | |||
| tapi pikir jejeg éling, | |||
| sumangka téh moal salah ieu Embah. | |||
| 40. | Saur Embah ka garwana, | ||
| barang geus sumping ka bumi, | |||
| “Nyai lintar téh teu meunang, | |||
| ieu ngan meunang saeutik, | |||
| kitu gé hurang leutik, | |||
| lumayan pais keur isuk.” | |||
| ti dinya eusi koja, | |||
| diucutkeun rék dipais, | |||
| kuring ceurik bari matek jajampéan. | |||
| 41. | “Aéh kutah si Mukidam,” | ||
| saur Embah ka sim kuring, | |||
| “Sia téh mentas ti mana?” | |||
| walon kuring,”Ongkoh abdi, | |||
| ayeuna nembé bijil, | |||
| tina koja tas karungkup,” | |||
| walonna “Aéh kutan, | |||
| naha lalawora teuing, | |||
| ku aing mah ti tadi teu kanyahoan. | |||
| 42. | Untung teu kapais sia, | ||
| semet ieu méré éling, | |||
| ulah deui lalawora, | |||
| nyorang cecegahan aing, | |||
| untung sia pnibadi, | |||
| tadi basa keur di laut, | |||
| henteu ditaruk heula, | |||
| ayeuna mah henjig balik, | |||
| omat pisan sia ulah arék wéya.” | |||
| 43. | Tah sakitu caritana, | ||
| anu ngalanggar pamali, | |||
| harita téh éta Embah, | |||
| mun urang mah eukeur ngecrik, | |||
| mapay di turut sisi, | |||
| ngala lauk nu lalembut, | |||
| salah jeung benerna mah, | |||
| éta wartos duka teuing, | |||
| ngan buktina loba pisan nu percaya. | |||
| 44. | Cegahanana di Sancang, | ||
| niir lauk gé teu jangji, | |||
| dipantang tina asangna, | |||
| kudu matana ditiir, | |||
| sabab di éta nagri, | |||
| aya hiji ménak agung, | |||
| jenengan Prabu Sangsang, | |||
| jadi mun diasang pasti, | |||
| meunang bendu ti éta Parabu téa. | |||
| 45. | Sabab ngunghak ka jenengan, | ||
| kecap asang nyabit-nyabit, | |||
| nuluy nepi ka ayeuna, | |||
| di mana lauk ditiir, | |||
| matana enggeus pasti, | |||
| kaluaran Sancang tangtu, | |||
| karana nu séjén mah. [ 25 ]|- | beu geuning di mana teuing, | ||
| biasana niir mah lebah asangna. |
Aja samboenganana.
N. B. Sadjarah waktoe saatjan djadi nagara sarta asal bibit boeitna, koe sim koering noedjoe dikotéktak, lamoen pinanggih hasil tangtos dipedar di ieu Poesaka.
ANDJOEN G. PRAWIRA.
| sakola batik tea tangtoë diadjar ngarang atawa njieun tingkes sorangan. Goeroe- goeroena koedoe petingan, soepaja oelah gampang kasarad koe kaèrapaan, kabaoed koe èlmoe batoer.
Pikeun ngalaksanakeun pakarepan anue ditataan bieu tea, perloe aja artos piwaragadeunana. Doeit kaperloean ieui, lain oetjoeI ditatamboeh, da poegoeh djoedoelna, bakal aja goenana, lantaran roeksakna èlmoe ngabatik atjan pati pohara, masih aja kènèh pitarekaheunana. Ajeuna ninggang kènèh mangsana geusan nangtajoengan eta èlmoe kabinangkitan. anoe geus sakitoe loehoerna, oelah nepi ka moendoer keuna koe hama. Nja ieu oesaha anoe moelja anoe mawa goembirana manah ka soegri anoe moepoesti sareng djoemoeroeng kana kamadjoeanana kabinangkitan bangsa Djawa anoe geus sakitoe loehoerna.
Pertawis ti anoe gegel, J. Kats. __________
Koe margi teu atjan aja pakeunna, kakirangan piwaragadeunana tea, saajeuna teu atjan tiasa ngalaksanakeun sadajana, nembé ngawitan ngadarnel tongtonan (tentoonstelling). Pikeun tongtonkeuneun tea parantos rea batikan anoe dikempelkeen, di Djogdja koe pitandangna: R.A. Soerjadiningrat, Rd. Sostrowidjono. Di Solo koe pitandangna: Kangdjeng P.A.A. Prangwedono, sareng Kangdjeng P. A. Hadiwidjojo. K: R.A. Sosrodiningrat, K. R.T. Sarwoko Mangoen Koesoemo. Di Pasoendan koe pitandangna: K. Boepati Tjiamis, K. Boepati Tasikmalaja, K. Boepati Garoet, Rd. Ajoe, A. A, Koesoemasoebrata Tjiamis, Djoeragan Patih Garoet, Djoer. Patih Tasikmalaja, Djoer. Patih Tjiamis, Djoeragan Tjamat kota Tasikmalaja. Ti toekang batik parantos munboet roepi-roepi batikan, sadajana tongtonkeuneun di Jaarbeurs Bandoeng, Pasar |
Gambir Weltevreden, di Samarang sareng di tempat-tempat sanes anoe engke baris ditetepkeun ti pengker. Dina oenggal tongtonan tea baris aja salah saoerang anoe njanggakeun katrangan tina perkara batikan tea ka tatamoe-tatamoe.
Sapalih eta batikan teh diatoer neundeunna, anoe sae direndengkeun sareng anoe awon, nja eta soepados enggal ebreh katingali bentenna, boh dina batikanana, boh babaranana soemawonten garapanana mah. Di antawis ètâ batikan anoe ditongtonkeun tea, aja anoe sampoerna pisan saena, batikanana (toelisna, tingkesna) sae; babaranana (sogana) sae; garapanana sae. Aja deui anoe sae batikna, kirang sae sogana, sae sogana awon garapanana, sareng sawangsoelna. Dina oenggal batik tea ditapelan kertas kikitir katranganana. Di antawis anoe ditongtonkeun aja anoe kenging digaleuh, pangaosna diserat dina barangna, kenging. pesen. ka anoe ngadjagi di dinja. Di Djogdja parantos ngadeg hidji koemisi pikeun mariksa barang batikan anoe dipasrahkeun koe toekang batikan, anoe baris maparin tanda (koe tjap) kana batikan anoe sarae. Anaoe kapilih kana eta koemisi nja eta: Rd. A. Gandaatmadja sareng Kangdjeng Pangeran. sareng Rd. A. Soerjadiningrat. Di Mester koemisi saheulaanan: 1. Rd. Ajoe Poeradiredja. 2. Rd. Adjeng Gilangkantjana. 3. Rd. A.. Haroen al Razid. 4. Rd. A. Soerapoetna. Di tempat-tempat anoe sae baris disoehoenkeun soepaja ngajakeun koemisi anoe saroepi kitoe deui. Ieu di handap diserat batikan anoe bade ditongtonkeun teh. Bestuur hatoer noehoen ka sadaja para Djoeragan anoe parantos maparin naboet batikan kagoenganana tongtonkeuneun tea, lamina aja sasihna sarong nganoehoenkeun deui ka sadaja anoe roentojong kana ngalaksanakeun ièu oedagan. __________
|
Geura oerang wajangken deui di dieu tjoetatanana sakadar anoe perloe kaoeninga. Dina poestaka-mangsa ,,Djowo” tahoen ka 2 No. 4 aja lalakon „Petroek djadi ratu”, ari dina lalakon wajang di Soenda mah biasana disebat: „Oedawala djadi radja” Koe sadaja parantos kaoeninga Sang Oedawala teh panakawan Ardjoena, anak Semar anoe boengsoe. Sang Oedawala ditoendoeng koe doenoenganana. Bawaning koe nalangsa ngenes djeung njeri, toengtoengna tèga kana raga dek tatapa neneda moentang ka Dewa, Tinekanan panedana dongkap ka bisa miboga djimat ,,Lajang Kalima Sada”. Oedawala hajang ngaboebarkeun kanalangsaanana, ngaIindih sababaraha nagri, karep hajang males ka oeroet doenoengan. Saparantos pirang-pirang ratoo anoe diroeroeg, nja Oedâwala ngadeg radja, di nagara Lodjitengoro, sarta salin kakasih djenenganana ajeuna Sang Praboe Bèlgoedoewèl-bèh Tongtongsot-Oepelgen-Doerginadoe-Djengglèng. Barang parantos andjeuna ngadeg nalendra, anoe diheulakeun tèh ngoebrakeun sagala hoekoem, moepoedjoehkeun kana ngadoe, ngadoe domba, ngadoe hajam, sintir tjekih djiit, sadajana djadi papantjen nagara, sarèrèa dioembar sakama-kama sakawenang-wenang. Sang Praboe Bèlgoedoewel nimbalan mapak bala baris ngaroeroeg Pandawa, malah geus helang ngiangkeun panangtang. Koe Pandawa diajonan, nadjan risi rada gimir ogé, ningal moesoeh sakitoe keur nandjoeng pinoendjoelna. Mèmeh proeng taroeng Pandawa. ngoemaha heula ka Meralaja ka Praboe Keresna, Ratoe Méralaja seber tina oeninga jen- djimat Kalima-Sada kagoengan Pandawa tea geus aja, di moesoeh, nanging teu matak boentoe lakoe poegag lampah, tina awas koemaha piakal-tarekahoenana. Ari anoe kapeto ditimbalan koe Kresna madjoe perang ngajonan rnoesoeh, nja eta Ki Nala Gareng (Si Tjèpot), doeloerna moesoeh anoe keur ngalalakon tea. Praboe Balgoedawel-Bèh roentag pangawasana, kasoran koe Nala |
Garèng mah, nja toengtoengna gorèhèl Sang Oedawala, ketjèptak djadi panakawan Ardjoena deui.
Tah kitoe ringkesna; tapi nãha eta lalakon tèh ngan sosompang karangan doang, atanapi djadi soeloek minangka siloka aja pesekeunana? Geura oepami koe oerang ditilik koe taliti Langtos djol baè soeal: Naha naon atawa saha ari Semar, Nala Garèng djeung Petroek the? Oerang mana ti mana asalna eta teh, naon pihartieunana pang djadi aja kitoe dina wajang ?“ Ari margina noe mawi aja pertanjaan kitoe, kapan dina pakem pawajangan basa Sangskrit (Sanskrit-Mahäbharata) mah teu aja, henteu kaoengel eta anoe tiloe panakawan teh, Djadi tetela Semar, Tjepot (Gareng), Oedawala (Petroek) mah tjere karangan .Djawa, sanes hawa ti Hindoe. Ari dina timbangan djisim koering rnah, eta Semar Nala Gareng sareng Petroek dina wajang teh, boa-boa djadi gambarna atawa perlambangna bangsa oerang priiboermi, dina dibandingkeun djeung hangsa Hindoe noe ngageugeuh kakawasaan di Djawa (baheula) noe djadi doenoenganana. Ari margina pang aja sangka kitoe, eta ngimoetkeun kana poko pakem basa Sangskrit lalakon Mahabarata tea. Di dinja ditjarioskeun aja boeta.-boeta danawa anoe djadi moesoehna para satria satria, Tah tina eta pakem sok ngolebat kaoeininga jen anoe dipikarep koe anoe kagoengan tjarita, eta boeta-boeta danawa tadi, nja gambarna, perlambangna, oerang priboemi tanah Hindoe pitoein, ari satria-satria anoe garagah, eta minangka bangsa Ariers. (Sing emoet jen tjarios wajang the sanes lalakon di Djawa nanging sajaktosna di Hindoe. Ari bangsa Hindoe harita dibawah parentah bangsa Ariers. Djadi oerang pribumi Hindoe diibaratkeun (dieunteupkeunana) kana boeta. Dina lalakon Ramajana (Batara Rama) kadjaba ti boeta-boeta danawa, kaoengel aja monjet, aja gad,jah-biroeang. Anoe barisa ngomong mangroepa djelema, anoe djadi gegedoegna djenenganana Soegriwa, Soebali, Djembawan, Anoamn diseboet monjet keneh nja eta anoe djadi babad Batara Rama. Batara Rama moal tiasa ngelehkeun Rahwana |
| maloen henteu kalawan pitoeloengna eta monjet-monjet tea. Tah ari eta anoe diseboet monjèt-monjèt tèh, koe anoe moeka lalakon Ramajana geus di tetelakeun, jen lain monjet enja, tapi makasoedna nja eta oerang priboemi (oerang Hindoena) anoe sabiloeloengan djeung Batara Rama. Koe anoe ngarangna lalakon Ramajana bangsa Arier, oerang priboemi Hindoe teh dieunteupkeunana kana monjet, tina dihina keunana nepi ka teu dianggap djelema.
Ari di dieu di oerang, kadjaba ti aja boeta aja monjèt teh, ditambahan djeung make aja panakawan deui. Anoe ngarangna, anoe matak dina wajang aja panambah panakawan, doeka oerang dieu doeka oerang Hindoe di dieu. Sareng kana pikarepeunana anoe ngarang, naha enja eta tiloe panakawan teh djadi perlambang gambarna oerang Djawa anoe ngawoela ka bangsa Satria (Hindoe), atawa sanes? Eta paek keneh. Djisim koering henteu tiasa netepkeun koemaha anggapanana noe ngageugeuh tanah Djawa baheula ka bangsa priboemi, naha tjara Ardjoena ka panakawanana atawa koemaha. Di Malajoe mah aja anoe djadi wawaton antara ratoe djeung oeloen koeringna, malah kaoengel dina kitab-kitabna sareng dina Sadjarah Malajoe. Kieu ringkesna anoe dina Sadjarah Malajoe mah: Sang Soeparba (anoe ngaroendajken radja-radja Malajoe) sareng doea saderekna loengsoer ti Kahijangan di Boekit Segoentang (Palembang), kagoenganana garwa ka poetri-poetri poetra radja. Anoe mangsa harita djadi Radja di Palembang djenenganana Demang Lebar Daoen, kagoengan poetra istri geulis kawanti-wanti. Sang Poetri dipoendoet koe Sang Soeparba, koe ramana moal dipasihkeun oepami Sang Soeparba henteu ngadamel perdjangdjian, Kieu saoer Demang Lebar Daoen: „Goesti, poen anak moal kasanggakeun, oepami Dampal Goesti henteu kersa djangdji jen bade roemaksa roemawat ka sadaja anoe oeloen koemawoela, Anak-intjoe sareng satoeroen-toeroenan abdi goesti, sedja soemoedjoed ka Dampal Goesti, moeng dina aja kaireugan katalingeuhanana, poma oelah diwiwirang oelah dinjenjeri disiksa koe panganiaja, oepami gede dosana rnangga tibanan hoekoem pati; kitoe oge oepami sapatotos sareng hoekoeman Allah Ta'alah. |
Dawoehan Sang Soeparba: „Mangga, tapi sawangsoelna abdi-abdi koedoe djangdji jen moal baha ka radja”. Nja Sang Soeparba kedal soepata ngaragragkeun saoer, jen saha-saha anoe tjidra teu toemoet kana eta pikoekoeh, bakal dibalik lemah. Eta margina anoe mawi radja-radja Malajoe mah mangkring kana nganjenjeri abdi, tara nganiaja koe pangwiwirang, tara nandasa kana kahormatan djelema. Sawangsoelna abdi-abdi soemoedjoed ka ratoe tara baha. Oepama aja ratoe anoe ngarempak boh nganjenjeri boh ngawiwirang ka abdina, eta djadi kila-kila (totonden) jen nagarana tereh roentag”. Tah kitoe moenggoeh di Malajoe mah. Ari di dieu teu atjan tiasa ditetepkeun, noemawi samar keneh kana njoerahan Kiai Semar teh, naon atanapi saha saenjana? . . . . . . . . . . . . . . . . . . . . Noemoetkoun karangan Djoeragan Boediardjo, eta anoe tiloe panakawan teh, kieu toetoeranana (diringkeskeun): Lalakon wajang teh dianggitna alam K. Radja Aerlañgga ngasta kakawasaan di Djawa, kira-kira dina taoen 1028 A. D, taoen Sjaka 950. Toetoeran Semar parantos didadar koe toean Van Stein Callenfels dina Kongres Taal-Land-en Volkenkunde van Java. Nanging oepami di dieu dipindo ditjarioskeun sakalian sareng toetoeranana panakawan anoe doeaan deui, asana nja moal gaplah moal moebah, malakmandar aja poeloenganeunana. Samemeh njanggakeun pamendak pribados, bade mapaj heula raratanana Ki Dalang, anoe ilahar dihaleuangkeun dina kakawen mangsana Ki Panakawan rek medal tina kotakna. Kieu oengelna: „Apata marmane paparab Semar? Milanira sineboet Semar, semar poenika saking temboeng samar. Mapan pranjata Kiai Loerah Semar, samar woedjoedira. Jen den wastanana djaloe, wandanira kadi wanita; jen sineboeta estri, dadapoenanira teka prija. kaja paran ta sasipatanira Kijai Loerah Semar? Iroeng njoenti, mrak ateni; mripat rembes, mrak ateni (ginak-ginoek, mrak mateni; sadaja sarwa mrak ateni). Sinten ingkan - kanggenan Kijai Loerah |
Kalawarta Poesaka Soenda
| Taun ka-1 | Taun ka-2 | Taun ka-3 | Taun ka-4 | Taun ka-5 | Taun ka-6 |
|---|---|---|---|---|---|
| 1922-07 | 1923-07 | 1924-07 | 1925-07 | ||
| 1922-08 | 1923-08 | 1924-08 | 1925-08 | ||
| 1922-09 | 1923-09 | 1924-09 | 1925-09 | ||
| 1922-10 | 1923-10 | 1924-(10-12) | 1925-10 | ||
| 1922-11 | 1923-11 | 1925-01 | 1925-11 | ||
| 1922-12 | 1923-12 | 1925-02 | 1925-12 | ||
| 1923-01 | 1924-01 | 1925-03 | |||
| 1923-02 | 1924-02 | 1925-(04-05) | |||
| 1923-03 | 1924-03 | 1925-06 | |||
| 1923-04 | 1924-(04-05) | ||||
| 1923-05 | 1924-06 | ||||
| 1923-06 |