Poesaka Soenda 1924-(04-05)-2(10)
[ 145 ]
|
POESAKA-SOENDA DIKALOEARKEUN KOE PAGOEJOEBAN JAVA-INSTITUUT Anoe djadi Redactie: Dr. R. A. HOESEIN DJAJADININGRAT TOEDJOEL SERAT : - GOENOENG SARI 84. – WELTEVREDEN |
Oepami ngalanggan samboeng-lajang langkoeng mirah. |
|
Koe margi dina sasih Siam doegi ka lebarannana, redaksi baris dipoeoek koe roepi-roepi tjabak, anoe matak wagelan kana kaloearna P. S. No. 11 ajeuna dirampid bae doea djilid dihidjikeun, nomer 10 ngabaroeng 11; Oetama timpah kaloear tiheula, tinimbang langla liwat mangsana. Patepang deui sareng Poesaka Soenda No. 12 dina sasih Juni; moegi oelah deudeupeun sasih Mei asa lowong teu pasondong. Sakalian dikohkolan ti ajeuna, reh taoen kadoea parantos tomper, tereh ngalangkah taoen katiloe, mangsana moepoel piwaraga deun pangbajoean taoen pajoen. Kadjabi ti eta koe margi aja keneh gogorontong gempelaneun, moegi teu djadi galih disoehoenkeun soepados enggal ampih ti kiwari. |
[ 146 ]
Geura oerang ladjengkeun deui salsilahna Djaka Tingkir anoe baloekarna iasa ngaheujeuk Djawa madeg radja di Padjang, ti taoen 1503 doegi ka taoen 1540 (taoen Djawa) noemoetkeun papajan hidji-hidjina babad, sakoemaha anoe parantos ditaratas dina P. S. N. 8. Katjarioskeun keur mangsa Madjapait ngadeg keneh karadjaan, anoe djadi Papatih djenenganana Mahoedara, kagoengan saderek pameget hidji djenenganana Raden Djeoroe, anoe kawentar gentoer tapana, ahli njepi diri di noe roempil, samedi ngisat salira, mentjilkeun andjeun di poentjakna Goenoeng Ngedoek. Samemeh andjeunna mandita ngantoen pangadjakna hawa doenja, mangsa aja di nagara andjeuna geus kagoengan hidji poetra istri, geulis kawanti-wanti, endah teu aja bangsana, rea nonoman noe heroj kabongroj; moeng awitna Nji Poetri keukeuh pengkoeh teu bengbatan teu elodan, teu mirosea djadjaka anoe kabita, woengkoel djoenoen toehoe kana woeroek sepoeh. Nanging tina direwong koe pirang-pirang panggoda, mangkaning istri keur meudjeuhna toeroen amis tjaoe, toeroeg-toeroeg anoe djadi panggoda lain djalma samanea, make aja aden-aden njiliwoeri sagala roepa; toengtoengna Nji Poetri kegembang; keuna koe kematna tali-roma adji lahir panggendaman, kapintjoet koe noe mindah warna, boeaja mangroepa djalma, djadi perdjaka pertjeka, akon-akon djenengan Raden Bandjoel Sengara. Ari ajeuna mah Raden tina kadjadjaden, boeaja ti kali Samanggi. Tina katalandjoeran lantaran pelit-rikipna noe djadi bapa-maling, toengtoengna Nji Poetri kapalingan, tjoepar pangawasa salira, iboe rama henteu aja noe oeninga, jen titis toelis poetra istri geus ngaraga doea, beunangna soesoeloempoetan.
|
Nanging kawantos benten deui ti peujeum, nja lami-lami mah koe ramana katangen oge. Atoeh moeng kantoen wirangna nawakoe neumbleuh ka sepoeh noe nadah katempoehanana, wiwirang di kolong tjatang; nja koe margi eta ramana mah doegi ka lali kana salira, bleng bae mitjeun andjeun ka leuweung tea, ngantoen kamoekten nagara, tatapa ngaloebarkeun katoegenahan.
Katjarioskeun barang tepi ka mangsa Nji Poetri babar poetrana pameget, kasep ngalenggereng koneng, moeloes taja koetjiwana, poepoeton iboe djeung rama. Doepi ramana eta moerangkalih, nja eta ki kadjadjaden tea, soempingna ngalajad poetra garwa teh ngan oekoer wengi, da ari siang mah aja di sisi leuwi; geus biasa moelih soeboeh memeh medal tjahja terang. Kitoe deui andjeunna omat-omatan orek-orekan, jen bisi djeung bisa kalepasan kasiangan, poma pisan oelah aja pakakas istri anoe kapendak ngaloeloehoeran ka andjeunna, karana tan wande pinanggih bahla, bobor karahajoean matak baroentak sarerea. Tariking tjilaka salira noe mindah warna, dina hidji wengi koelem tibra kalepasan, petjat-sawed teu atjan loegaj ti padjoearan, sarta wireh anoe djadi garwa lat lali kana soebaja tjaroge, nja eta teu kenging pakakas anggoan istri anoe ngaloehoeran andjeunna tea, atoeh pinanggih djeung bahja kaboeka rasiahna panjamoeran, anoe keur mantjala poetra, malik djinis ka djisim asalna tadi. Barang garwana rek ngagoegahkeun tjaroge pedah geus siang, loemebet ka pagoelingan, ngadjerit ngedjat ngotjeak, ningal raka dina randjang teu aja, ngan kantoen anoe ngadjapapang sagede tjatang kalapa, boeaja pikagilaeun. Sakadang boeaja reuwas rek tanghi ngadangoe anoe ngotjeak, tapi teu iasa, ras emoet ngilirik kana waroega, salira geus salin djisim, moelang kana roepa asal; nja teu madjar koemaha, kantoen soemerah kana papasten; ngan kantos wasiat heula ka garwana jen ti wangkid harita |
[ 147 ]
| bakal pasah salawasna, pondok djodo koe pamaksa, moal koemalendang deui; sarta sok masihkeun lélépén, soepaja dipaparinkeun ka poetrana, anoe koedoe didjenenganan Djaka Sengara.
Ti dinja mah boeaja téh ketjeboer deui baé ka leuwi, ngantóen poetra kamanoesan. Katjarioskeun Djaka Sangara pikajoengjoeneun noe djadi iboe, moerangkalih loeloes moeloes, toemoet kana woeroek sepoeh, teu aja pisan wantelang bedangna. Ti aalit geus kaserepàn éjangna leket tapana, teu ngagédékeun ngoembar pangadjak amarah. Barang nindak kana djadjaka, geus bablas sagala panalar, njoektjroek èlmoe tepi ka djoetjoengna, ageman anoe laloehoeng, kagagahan karongkahan, geus kawentar teu aja doea Djaka Sangara. Dina hidji mangsa Djaka Sangara ngadangoe selenting bawaning angin, oedjar anoe mawa bedja, jen Kangdjeng Praboe Madjapait keur saembara: ,,Saha-saha anoe bisa noempes Boepati Balangbangan, anoe sakait djeung Bali, pada saoejoenan keur baha ka radja, baris digandjar dipoeloeng mantoe, dipaparin kaloenggoehoen pangkat Boepati di tanah Pengging!” Djaka Sangara sanggeus gilig manahna ladjeng baé moendoet pindoenga iboena, baris ngiring lebet kana balabar kawat, sarta djoeng andjeunna angkat ka Madjapait doemeuheus ka Kangdjeng Radja, oendjoekan jen sanggem njembadaan kana saoengeling saembara tea. Saparantos kenging dawoehan ti Maha Preboe, ênggalna Djaka Sangara mendakan heula ramana, sang radja boeaja di leuwi Kali Semanggi tea, ngoemana reh keur aja karerepet baris majoenan djoerit ngadoekeun djadjaten djeung oerang Bâlangbangan. Koe ramana disanggoepan, jen perkara rek nempoeh Balangbangan, entong dipake gedog pangkon, tan wande wadia balad boeaja bakal ngabantoe madjoe ing dana laga. |
Teu lami deui broel bad Djaka Sangara sabaladna ngaroeroeg ke Balangbangan sareng Bali, der perang tjampoeh, semah noe oenggoel perangna, oerang Balangbangan teu aja noe bisa ngajonan kana karongkahanana balad boeaja, nepi ka moesoeh tjarem, sawaréh maboer boebar katawoeran. Malah Radja Balangbangan kasamboet di tengah medan, ditelsean koe Djaka Sangara koe andjeun. Sapanantos réngse perang, nembé Djaka Sangara moelih ka Madjapait oendjoek oeninga ka Maha Praboe jen Balangbangan djeung Bali geus tjarem. Kangdjeng Radja soeka galih liwat saking, sarta harita kenéh Djaka Sangara di djoengdjoen loenggoeh djadi Boepati di Pengging, ditikahkeun ka poetni kadaton, djadi mantoe Kangdjeng Pereboe, sarta ti hanita digentos djenengan Andajaningrat. Radén Andajaniñgnat mantoe Brawidjaja, saparantos poepoet joeswa, digentos koe poetra, sarta ieu poepoëtra doea, pameget sadajana, anoe djenenganana Kebo Kanigara sareng Kebo Kenanga. Kebo Kanigara, poetra tjikal, henteu kersa lebet Islam, ari sadérékna anoe djenengan Kebo Kenanga mandjing agama Rasoel ladjeng djadi Boepati di Pengging ngagentos kaloentgoehan ramana. Harita Madjipait geus koebra, sarta di Demak geus ngadeg nagara Islam. Dina hidji mangsa Boepati Pengging (Kebo Kenanga), angkat ka Demak arék silatoerahmi, réh roemaos ka doenoengan kapi sepoeh. Nanging di Demak aja tjoeriga, kila kila matak aja sangka, Boepati Pengging siga, rek ngalindih kakawasaan, kawas rek ngadjabel nagara, kaprabon wanisan Madjapait; koe margi eta Boepati Pengging ditelasan di Demak; saenjana salah tingal, kolebat pagah di nama ari saenjana mah di poetra. Boepati Pengging poepoesna ngantoenkeun poetna garwa, anoe katalangsana ditilar koe anoe asih. Tina kaleleban koe |
[ 148 ]
| tjarogé, garwana mah teu lami deui poepoes kantoen poetra pahatoe lalis, geus teu iboe geus teu rama, nja eta anoe djenengan Mas Kérébét. Tina rnoerangkalih noenggelis, ladjeng baé disarambat koe anoe miwelas, dirorok koe sanak kadangna di Pengging. Nanging lami-lami saparantos ageung ladjeng ditjandak ka Tingkir koe tilas garwa Ki Gedeng Tingkir, mitrana Kebo Kanigara, oea Mas karebét, sadèrek ramana tea. Barang parantos djadjaka nja Mas Karebèt gentos djenenganana katelahna Djaka Tingkir.
Djaka Tingkir teu tjara djadjaka biasa, kersa kana borak - borak kasoekaan, ieu mah prihatin teu kendat tatapa, di soegri noe soeni meuting, matoeh di loehoer goenoeng, asroek asroekan ka leuweung, taja patapan kaliwat. Dina hidji poe sabot andjeunna keur ngahening handapeun kai, gok tepang sareng Soenan Kali Djaga. Koe Kangdjeng Soenan katingali jèn eta djadjaka komaraan, lain boedak djamak boedak, tapi njata kaantjikan kaloehoengan. Koe margi eta koe Soenan Kali Djaga dipaparin bongbolongan, koedoe koemawoela heula ka radja, Demak noe koedoe didjoegdjoeg, geusan djalan kana nekanan pangbedah kamoeljaan, anon geus koemandang di salirana. Djaka Tingkir nganoehoenkeun kana sapiwedjang Soenan Kali sarta sadaja piwoeroekna baris dièstokeun pisan. Ti dinja andjeunna pamit ka iboena anoe ngoekoet tea, jen rêk koemawoela njanggakeun salira ka anoe djadi radja di Demak, hojong diadjar tata tjara ngaheujeuk nagara, anggon - anggon ka parabon. Iboena teu tiasa ngoretkeun tina kamanah pitemaheunana, ngan di djangdjian koedoe ngoegsi ka Ki Gedéng selo, toemaros heula ka andjeuna koemaha pisaèeunana, sarta lamoen geus rneunang boeboekan ti dinja, engkè kakara teroes ka Dernak, ngadjoegdjoeg ka sadèrèknaanoe djadi kapala Gandjoer (pradjoerit) djenenganana Ki Gada Moestaka. |
Djaka Tingkir parantos djengkar ti dèsana rnadjoe ngalèr ngetan ngadjoegdjoeg ka Ki Ageng Sèlo. Barang ret Ki Ageng Sêlo ningali sampojongna Djaka Tingkir moendjoeng, ondjoeg — oedjoeg djorodjoj panggalih asih, ènggalna disambat sarta satoetasna dipariksa, ladjeng bae diangken poetoe, djadi tjatrik noe kadeuheus. Salamina Ki Djaka Tingkir teu tebih ti K. A. Sela, teu pisan meunang anggang, ka mana bae oge teu kantoen. Ari eta Ki Ageng Sèbo tea, siang wengi teu pegat moentang ka Pangèran koe hojong iasa nampi waris Madjapait, ngeréh sakoeliah Djàwa, reh ngaraos jèn andjeunna oge toenggal terah Brawidjaja. Koe margi eta andjeunná henteu kendat oesaha ngolah salira, tatapa njiar djalan geusan ngalaksanakeun paneda. Taja lian anoe dipeleng disalebeting kalboe, kadjaba Uti sihing Jang Widi, sangkan awal ahir tinekanan, oepatjara sawoeng galing kaprabon, aja bagdja ragrag ka toeroenanana Nadjan teu karandapan koe salirana, rèh roemaos joeswa geus tjoeweut ka hareup, tapi tetep teu gedèr galideur noedjoe maksoed sangkan kamoeljaan toemiba ka roendajanana. Eta margina noe mawi Ki Ageng selo sering njepi di noe soeni, djeung metakeun sarat tarèkah noe lian. Tapi ari Ki Djaka Tingkir mah ngingintil bae teu pisan kantoen, ka marnana ogé ditjandak. Dina hidji wengi Ki Ageng Selo angkat ka leuweung di Goenoeng Rèntjeh, pennahna Kalèr-- wètan ti Taroeb, kantenan di iring koe Djaka Tingkir. Barang parantos wengi soemping kana ranggon kosong tengah reuma, 1adjeng bae lebet, tina ngaraos palaj, doeg bae koelem di dinja. Doepi Ki Djaka Tingkir ningal goeroena èbog, gelèhè baè manehna oge ngagolér ditoendjangeun doenoenganana, reup sarè tibra. Sabot Ki Ageng Selo ngalenjap, bet ngimpèn, ari dina ètanganana andjeunna angkat ka goenoeng bade ngaboekbak |
[ 149 ]
| weung, njandak koedjang ngah njalira. Barang soemping ka goenoeng bet geus njampak Ki Djaka Tingkir keur ngadoengkaran kakaian, sarta toeloej digoesoeran ka lebak, boekbakeun teh kasondong geus lenang, moeng kantoen garapenn woengkoel, atoeh kagèt....
Korédjat Ki Ageng Sèlo tanghi, larak-lirik raos sanes mentas ngimpèn, tina tetela téh teuing raos asa di kieuna. Ari ditingali Ki Djaka Tingkir bet keur sare kènèh ngagoeher todjereunana. Engsalna koe andjeunna digeuingkeun bari dipariksa saoerna ,,Agoes, silaing bieu teu loeas lèos ka mamana?’ Sanggem Djaka Tingkir: ,,Teu pisan-pisan. Apan abdi mah ti tadi oge sare, nembè hoedang ajenna.” Koe Ki Ageng Sèlo kamanah, jèn andjeunna enja tas ngimpen. Ngahoeleng bae ngemoet - ngemoet pitemaheunana impen, naha ilapat naon, djenng naha bet kitoe, welèh koe andjeunna teu kahartos. Ti dinja pok Ki Ageng Sèlo maniksa ka rèntjangna: Agoes ari agoes sok ngimpi anoe ahèng? Walon Djaka Tingkir ,,Parantos kapoengkoer abdi ngimpi anèh, malah doegi ka ajeuna koe abdi welèh teu atjan kahartos; nja eta nalika abdi keur tirakat, misahkeun maneh digoenoeng Telamaja, abdi ngimpi kcaragragan boelan; katinggang ari sajaktosna mah, margi barang broeg téh, Goenoeg Telamaja oge doegi ka ngageleger, nja bawaning koe reuwas korèdjat abdi hoedang. Tah kitoe kapoengkoer abdi ngimpi teh; naon pihartoseunana eta tèh, atanapi moen ilapat, ilapat naon?” Saoer Ki Ageng Sèlo: „Hade eta impean teh, keun bae entong dipikiran pibaloekareunana, moega-moega bae geura masing boekti, ari ama mah ngan ngadjoeroeng pangdoenga, sabab saenjana eta the wahjoe anoe toemoeroen ka Agoes, anoe bakal ditèm koe roendajan ama, Koemaha Agoes pasrah kana kitoe pibaleokarennana? |
Saoer Djaka Tingkir. “Ari abdi mah ngan darma wawajangan, poetih teu aja geuneuk maleukmeukna sadrah ngambangkeun kersa Pangéran. Sareng oepami doegi ka katéma kamoeljaan abdi koe poetra poetoe ama, tinangtos moal ngaraos koe anon sanès, moeng bingah noe aja toenggal sadaging kènèh sareng abdi, taja petana di abdi aja gantar kakaitanana. Ki Ageng Sèlo hoengangang manahna ngadangoe kasaoerana Djaka Tingkir kitoe. Ti reumana ladjeng baè maroedoen moelih ka boemi. Henteu lami ti wangkid harita Djaka Tingkir parantos miang ngantoenkeun Ki Ageng Sèlo, lantaran didjoeroeng lakoe kedah koemawoela heula ka Demak tea. Ki Djaka Tingkir parantos aja di Demak matoeh di Kiai Gandjoer, saderek iboe poeloengna anoe asih ka andjeunna. Djabi ti ieu, aja kèneh doea tileo deui salsilah Djaka Tingkir téh, tapi entong didadar sadajana, soegan sakieu oge parantos tjekap. Ajeuna samemèh ieu diladjengkeun perloe oerang selang heula koe babad Demak, oerang ngadadar salsilahna Soeltan Demak anoe karoengroengan koe Djaka Tingkir. Kieu toetoeranana. Saparantos koebra kardjaan Majapait, karatonna geus roentag dirandjah koe babad. Islam, nja ladjeng tea Radén Patah., poetra Brawidjaja Madjapait, ngadeg. Soeltan di Dernak ngerèh sakoeliah tanah Djawa. Radèn Patah kagoengan poetra genep. 1. Istri, anoe kagoengan tjarogè ka Pangèran Tjirebon 2. PangeranSabrang Lor, gaboeg henteu kagoengan poetra, 3. Pangèran Sèda Lèpen (sok diseboet Pangeran Saba Kingking, kagoengan poetra pameget djenen ganana Raden Panangsang atawa Aria tea. Nja eta anoe teu kersa anoet ka Padjang). |
[ 150 ]
|
4. Pangèran Trenggono (réa putra). 5. Radén Kanduruan (Pangéran Panggung). 6. Radén Pamekas. Sasurudna Radén Patah nya anu mangku kedaton putrana anu ka dua jenengan Pangéran Sabrang Lor téa. Nanging madegna naléndra teu lami, kabhujeng pupus, henten kagungan putra. Ku sadaya tangtos kamanah, yén sapupusna ieu, anu kedah nema karajaan téh, putra Radén Patah anu ka tilu, nya éta Pangéran Séda Lépén téa, raina Sultan anu nembé mulih ka Kalanggengan. Nanging adat dunya hiri dengki jail kaniaya, geus ngaranjing ka anu ngaraos inggis, anu digémbang ku palangsiang, sieun buntu henteu jadi Ratu. Nya éta (para) putra Pangéran Trenggono. Duka uninga henteuna ari ramana mah, kana talajak putra ngumbar katelengesan. Dina manahna tangtos pisan, upami Pangéran Séda Lépén néma karajaan, jumeneng Sultan Bintara, taya petana Pangéran Trenggono kana iasa jadi narpati, geus komo deui ari para putrana mah tinangtos katélér-télér moal aya anu kalungsuran kamulyaan, da geus moal boa deui, ti Pangéran Séda Lépén mah bakal ragrag ka putrana anu jenengan Radén Panangsang téa. Ku margi éta giligna panggalih putra Pangéran Trenggono anu cikal, jenengan Radén Perwata, taya lian pisarateunana ngan Pangéran Séda Lépén kedah ditelasan, ulah kungsi nampi waris kanarpatian. Énggalna Radén Perwata laksana kersana, iasa nelasan Pangéran Séda Lépén. Ku margi éta Pangéran Trenggono, ayeuna anu dijungjung lungguh jadi Sultan di Bintara (Demak). Harita Radén Panangsang teu acan sawawa, uninga rama ditelasan, sarta nyata dibagal-bagal diarah ku karinah, ditaragal direbut makuta di caangna, manahna bati nalangsa, ngetek-ngetek |
ngenes teu aya hinggana, saharita teu aya basa majar kumaha, tapi dina galih ngageremet.
Ari Pangéran Trenggono jujuluk Su1tan Bintara (Demak) téa kagungan putra genep deui.
Kacarioskeun Radén Panangsang, najan ramana geus pupus, tapi henteu weléh ngarep-ngarep, aya basa sugan jeung sugan kerajaan remana ragrag ka anjeunna, da tétéla yén anjeunna anu éstu kagungan hadas, kudu jadi Sultan Demak. Nanging nyolédat Radén Panangsang ngan ukur dipalér-palér dipeper ku tanah Jipang, kana jadi Sultan mah kawasna kapeungpeuk ku para putra para mantu Pangéran Trenggono, anu geus nyepeng kanaléndraan. Kacarioskeun Pangéran Trenggono henteu patos sakumaha lamina ngadegna narpati kabujeng ku ajal, mulih ka Kalanggengan. Tah anu pinemaeun ieu, satadina dina ajaman Radén Panangsang, keukeuh nya anjeunna pibakaleunana, nanging ari prak dina sangkana bet nyalahan, karajaan Demak ragrag ka Radén Parwata putra cikal Sultan anu nembé pupus, anu geus nelasan ramana Radén Panangsang téa. Atuh Radén Panangsang anu parantos jadi Aria di Jipang, kantun bendu ngudug-ngudug, raos dicolok mata buncelik, panas ngentab teu aya hinggana, napsu ku dua ku tilu, nya éta nyeri pédah ramana dikaniaya nepi ka ditelasan pisan direbut karajaanana, ari |
[ 151 ]
| turug-turug ayeuna anu jadi raja téh éta pisan anu boga dosa maéhan ramana téa, Aria Jipang taya petana iasa nahan kasabaran. kudu nyembah ka satru anu ngamusuh ramana ku anjeun; komo deui ari mungguh hing anjeunna mah anu sanés dasar sabar, kahanan getas barangasan, nepi ka teu kaampeuh teu kénging dipeper dilelejar. Tungtungna anjeunna susumbar:
“Tinimbang hirup-dirungrung wirang, tugenah salalawasna, mending lebur tutumpuran; aing rék béla pati ka bapa, hutang pati bayar pati, hutang wirang bayar wirang, moal tibra rasaning ati, lamun tacan tumpur digempur sadulur-dulurna Sultan Demak anu geus nyidra patina bapa aing!” Ti wangkid éta siang wengi teu aya deui anu dicileuk ku Ari Jipang, ngan akal tarékah geusan ngalaksanakeun angen-angenna, ngalubarkeun kanyeri anu dikandung salalamina. . . . . . . . . . . . . . . . Supados ulah panjang teuing, ayeuna urang ringkeskeun baé, dicandak anu perluna, nya éta awitna Aria Jipang laksana iasa nelasan Radén Prawata Sultan Bintara, sarta lajeng deui nelasan Pangéran Kali Nyamat (Japara), duanana geus pupus ku akal tarékahna Radén Panangsang. Tapi teu acan tibra manahna, lamun teu acan laksana ngabasmi Sultan Pajang anu jenengan Jaka Tingkir, mantu Sultan Bintara anu garwana raina Radén Parwata Sultan Demak téa, lantaran nya Jaka Tingkir ayeuna sayaktosna anu nyepeng kaprabon Demak, néma ti Sultan Bintara anu nembé ditelasan téa, nu nagarana geus déngdék kana rék runtag. Ari Jipang metakeunana tarékah awitna ku jalan demit, geus ngutus kajineman kapetengan dibahanan duhung wangkingan anjeunna, kudu ngelemet asup ka pagulingan Jaka Tingkir, sarta ulah taha asa-asa terus suduk tugel mastakana Sultan Pajang. |
Utusan miang niru laku telik bapa . . . . . . . . . . . . . . . . maling, geus asup ka jero kadaton kangjeng Sultan kasondong keur ébog di pangkuleman. Barang ragamang Ki Utusan rék nibakeun wangkingan, kerewek ku Jaka Tingkir dicepeng, atuh rumpuyuk baé ki utusan ngalumpuruk awak ngadak-ngadak leuleus bawaning ku reuwas jeung sieun. Ku Kangjeng Sultan henteu digeruhkeun, sarta sanggeus dipariksa marga lantaranana, harita kénéh dileupaskeun deui, lajeng didawuhan mulang unjukan ka nu miwarang. Barang Aria Jipang ngadangu piunjuk utusan kitu, wuwuh bendu tambah wirang, sarta teu weléh ngilari jalan nu rikip, moal waka mapak bala ngadukeun wadia perjurit saméméh béak déngkak metakeun tarékah. Ku margi éta Aria Jipang mundut tulung ka guruna nya éta Sunan Kudus, supaya Sultan Pajang disaur ka Kudus, engké di mana geus patepang, baris dibongohan disuduk ku anjeunna. Ku Sunan Kudus henteu dipagak panuhunna Aria Jipang, dianteur sakersana, sarta teu lami deui Sultan Pajang (Jaka Tingkir) geus sumping ka Kudus diiring ku Ki Pamanahan jeung ku Ki Panjawi. Aria Jipang ngangken tamu miceun semu, teu siga aya karinah ngarah bongoh. Nalika Aria Jipang calik papayun-payun sareng Sultan Pajang gunem catur medar carita, malapah gedang ngarah duhung anu keur disungkelang ku Sultan Pajang, Ki Pamanahan teu anggang calik di pungkureun dunungan. Barang sok duhung ku Sultan Pajang disanggakeun ka Aria Jipang, réh dipundut dadaku hoyong ningalian pamorna, ku Ki Pamanahan Sultan Pajang ditoél, sarta harita kénéh sebrét baé narik curiga, duanana geus pada ngabar keris rék tarung patutunggalan. |
[ 152 ]
| Mung saéna énggal disapih ku Sunan Kudus, Aria Jipang mulih teu kantos ngadukeun pucuk pakarang, mentegeg manah tambah ngentab, harendeg pédah mubah ku talangké.
Kacarioskeun garwana Pangéran Kali Nyamat, anu carogéna ditelasan ku Aria Jipang téa, nya éta istri sadérék garwa Sultan Pajang, bawaning ku abot ka carogé, bendu ka Aria Jipang, lajeng baé tatapa ku hoyong aya anu mangmaleskeun kanyerina, ngabasmi Aria Jipang. Nalika Sultan Pajang di Kudus téa, anjeunna angkat mapag Nyai Roro Kali Nyamat, di patapan badé disambat dicandak ka Pajang. Nyai Roro Kali Nyamat kersa lugay ti patapan, lantaran ku Sultan Pajang pamundutna disambadaan yén montong dianggo hemeng galih, anjeunna sanggem nigas janggana Aria Jipang. Kacarioskeun Kangjeng Sultan Pajang sarawuhna ka karaton énggal magelaran, kempel sadaya ponggawa mantri, hémpak para Bupati bawahan, ngabarempagkeun perkawis Aria Jipang anu geus mapak bala rék nempuh Pajang. Harita Kangjeng Sultan ngadawuh, “Saha-saha anu bisa ngayonan Aria Jipang, sarta tepi ka beunangna, baris diganjar tanah Mataram jeung Pati!” Sadaya para Tumenggung mindel teu aya anu nyanggeman, tina pada uninga kana karongkahanana Radén Panangsang seunggah wegah sadayana. Kacarioskeun Ki Pamanahan sareng Ki Panjawi, anu harita ngiring nampi dawuhan, ngaraos lingsem pisan, tina ningali bupati-bupati nu hémpak di pamengkang teu aya anu tuhu bumélana ka raja. Enggalna anjeunna unjukan ka Kangjeng Sultan, yén perkawis nangkep Aria Jipang montong dianggo gedér manah, nya anjeunna anu baris lali rabi tégang pati ngayonan Aria Jipang. |
Kangjeng Sultan suka galih ngadanugu piunjukna Ki Pamanahan sareng Ki Panjawi, lajeng ngadawuh ngajurung ku pindunga supaya unggul juritna. Teu lami ti harita Ki Pamanahan sareng putrana, nya kitu deui Ki Panjawi sabaladna, perjurit petingan nu beunang milih, geus brul arék nempuh Jipang baris dijorag ka jero dayeuhna. Aranjeunna henteu ngadamel heula surat panantang ka Jipang, tapi baris diambreg rada dibokong tina bongohna baé. Ari geus deukeut ka dayeuh, nya anu dianggo galagat pupucuk tarung, hiji abdi urang Jipang nu kasampak keur ngarit di tegal. Kek direjeng ku balad Pajang pada ngagénjang, sarta ditangtang bari pada nyarékan, rajana dicacampah dibéakkeun laklak dasar; ari tungtungna teu antaparah deui ngan simpreng baé dirumpungan ceulina, ti dinya mah kakara dikalencarkeun bari diéak-éak dicararékan. “Jor sia geura ngadoni ka ditu ka raja sia, bijil kitu ka dieu ari enya mah anak lalaki!” Atuh tukang ngarit téh ceurik riwih-rawah, getih ucur-acar, ngencis balik ka dayeuh, hariweusweus unjukan ka Aria Jipang, némbongkeun ceuli geus rumpung. Barang Aria Jipang ningali sareng ngadangu piunjukna tukang ngarit dikaniaya, turug-turug ditangtang ku balad Pajang, raos dicaluntang dihahangu dicacampah, reup pameunteu geuneuk, bendu ngagudug-gudug dasar getas barangasan harita kénéh rap saged anggoan kaprajuritan, henteu kantos ngantos balad anu lian, clak tunggang titihan kuda anggoan anu ngaran Si Gagak-rimang, dius nyalira mapag musuh ka luar dayeuh. Balad Pajang awas ningal Radén Panangsang nyalira nitih kuda, ger surak nangtang jurit ti peuntaseun walungan. Aria Jipang lat lali bakating ku bendu, lir banténg bayangan nu digagalak |
[ 153 ]
| dieak-eak, geus teu nolih di balai, gedjeboer bae Si Gagak-rimang dipeuntaskeun kana waloengan oempalan, hoyong geura der taroeng, teu tahan ningali anoe narangtang katjar anggang pangarahan.
Barang broes Aria Djipang ka tjai, ger ditempoeh koe wadia bala Padjang. Toembak, jamparing, bandring djeung pakarang noe lian, koe Aria Djipang teu aja anoe dihiding, haben ngangsog, koeda digedig soepaja geura soemping ka peuntas. Poetra Ki Ageng Pamanahan tjarintjing taki-taki baris mapag koe toembak dimana Aria Djipang handjat. Sarta barang srog Aria Djipang ka darat, teu tata pasini deui djeplok bae ditoembak; teu katakis milepas manten kana lamboengna. Nanging nadjan geus tatoe teroes ngamoek ngoewak-ngawik, salira geus mandi getih, nepi ka toentoengna broe ngaloempoeroek teu tahan tina dihoeroep koe pirang-pirang. Saparantos Aria Djipang kasamboet, oerang Padjang oenggoel perangna, nja Ki Ageng Pamanahan nampi gandjaran ti Kangdjeng Soeltan Padjang dipaparin tanah Mataram, anoe harita masih keneh leuweung loewang-liwoeng. Ari Ki Pendjawi nampi pasihan tanah Pati, sakoemaha anoe parantos didjandjikeun tadi. Tah, saparantos ngadadar lalakon Aria Djipang, ajeuna oerang malikkeun deui pangali malikan Ki Djaka Tingkir, naon margina sareng koemaha asal-moeasalna pang dipoeloeng mantoe koe Soeltan Bintara.
Aja samboenganana.
|
Ari Seh Abdoel Moehji teh saha tea? Sering ngoeping djenenganana mah, naha rawoehna ka dieu teh sareng-sareng Soenan Goenoeng Djati bade ngislamkeun oerang Soenda? Euh manawi kagoengan sangka Seh Abdoel Moehji teh oerang Arab, pedah disebat Seh. Sanes, ari Seh Moehji mah oerang Soenda, toeroenan Ratoe Galoeh, ari tjek toetoeranana mah. Eta mah disebat Seh soteh seseboetan bae pikeun ngagoengkeun salirana alam Arab kawasa di oerang. Geuning ajeuna oge ka anu ngolontong elmoe Koelonna teh sok dibasakeun: Eta mah Toean. Seh Abdoel Moehji teh dibabarkeunana di Mataram, poetra Kijai Seh Lebe Warta Koesoemah, poetoe Kijai Kental Panengah, boejoet Sang Harepen Nembol. Ari eta Sang Harepen Nembol teh roendajan ti Galoeh. Ari iboena Raden Adjeng Tangan Djiah. Tah ngan ieu iboena wartosna tedak Arab, roendajan ti Kandjeng Rosoel. Ari panginten teh oerang Arab. Atoeh ari kitoe mah karoehoen oerang. Hih, atoeh kantenan! Anoe mawi perloe oerang oeninga tea oge oelah kawarnahaan koe bedja. Doepi eta pang linggih di Pamidjahan, kumaha awitna; naha djadi Dalem atanapi koemaha? Sanes Dalem, Wali. Anoe mawi linggih di dinja ngahadja ngilari tempat anoe sirna, soepaja iasa djongdjon madepna ka Pangeran. Da ari soempingna ti Mekah mah ka Tjipinaha, kantos bumen-bumen didinja. Ngan patempatanana teu pati soeroep kawasna didinja mah, lantaran Tjipinaha djadi djembar kadoejaan matak ngagembang kana mantengna panggalih, maloem doenja tea, djadi pangrewong ari ka anoe laloehoeng mah. Nja ti dinja ngalih ka Pamidjahan. Iraha bade angkat ka Pamidjahan teh? Oepami karempagan mah oerang ajeuna bae, meungpeung teu keur repot teuing koe damel. Mangga oerang ajeuna bae. Ari batoer mah biasana djararahna teh moeroe tanggal 12 Moeloed atawa 10 Moeharam. Dina mangsa eta mah, asa di nagara bae Pamidjahan teh, djelema nojek aja reboena, tjeuk noe |
[ 154 ]
| bohong mah. Anoe dagang mani neba. Atoeh da sanes oerang dieu bae anoe daratang teh, make aya anoe ti Djawa, ti Banten, ti Batawi sagala.
Sapertos maleman ngarak Pandjang-djimat di Tjirebon, atanapi anoe djarah ka Tjikadoeeun Banten, manawi? Henteu ari tjara Moeloed di Tjirebon atanapi Tjikadoeeun mah, kawantoe Pamidjahan mah kelek djalan, henteu nampeu kana kareta api. Tjatjakan oepami Pamidjahan palebah Manondjaja, kawas moal katjek koe Tjikadoeeun teh, doeka ari ngoedag ka Tjirebon mah. Doepi eta anoe darongkap teh, naon babakoena maksoedna, naha bade djarah-djarah biasa bae, atanapi minangka moedja? Hih, roepi-roepi, aja anoe ngahadja djarah, aja anoe boga maksoed, teu tiasa ditangtoskeun; henteu sapertos ka Pamoedjaan di Goenoeng Kromong atanapi ka Kawah Tangkoeban Parahoe Bandoeng, ka Tjerlang di Banten tea, eta mah toekoeh toedoeh kana hidji maksoed, anoe hajang beunghar, arek ngetek, njoepang; ari anoe ka Pamidjahan mah ilahar ka karamat bae, pada njoehoenkeun moedjidjatna, kawantoe ka makam Wali. Sapertos anoe sering darongkap ka Pamidjahan, bangsa anoe baroga kasoesah, hajang salamet, leupas tina kasoesahna, anoe keuna perkara, anoe hajang naek pangkat. Malah parantos sering mendakan, aja awewe datang ka Pamidjahan, maksoedna arek njoehoenkeun karamat Seh Abdoel Moehji, soepaja dibalikeun deui ka popotonganana. Aja deui awewe anoe keur nandang kanjeri, kabajahkeun koe maroena, bedjana ari datang ka imahna njampak maroena geus dilisanan, diserahkeun koe salakina. Bangsa Ambtenar oge rea anoe ka darinja meureun harajang naek pangkat. Ngan aja anoe njarios ari menak mah teu rea anoe ka dinja, sok meunang tjilaka, tjenah. Koemaha oepami kitoe, bangsa djelema djahat, bangsat, rampog, aja anoe darongkap? Hih kantenan aja mah. Ngan tara aja anoe dimakboel ari anoe kitu mah. Malah aja tjarios kieu: Hidji mangsa djol hidji bangsat ka dinja, dek neneda hajang laksana ngabongkar imah toean kontrak anoe |
beunghar, sing salamet oelah katangkep. Atoeh koe koentjen diperenahkeun bae, dek neneda. Na ari reup sare manehna ngimpi diamoek moending edan, diomprot, dihaben diobrot. Atoeh anoe keur sare teh walahwah-weuleuhweuh hoedang tiboeboerandjat. Tapi teu weudeu, dek deui bae neneda. Sabot keur lelejepan, djoel koendial bae nendjo hileud sitataroe sagede goeloengan kasur, kasieunna kagilana koe hileud teh. Atoeh ngan betjir bae teu nolih dinaon-naon bawaning koe sieun. Koe koentjen ditjaritakeun jen pamenta anoe saroepa kitoe mah lain kadinja lempengna, salah djalan.
Djadi makboel henteuna pamaksoedan oerang teh koe impian? Babakoena jaktos kitoe koe ilapat. Tah oepami aja Djoeroetoelis atawa Tjamat anoe dinesna tos lami, hajang geura-geura oenggah kapangkatan, mondok di Pamidjahan. Lamoen dikaboel panoehoenna sok ngimpi nanjak ka goenoeng, atawa ngimpi dipajoengan. Engke impian (ilapat) teh ditjaritakeun ka koentjen; koe koentjen diterangkeun naon pihartieunana. Lamoen ngimpi palid, titeuleun, kabawa tjaah, atawa ngimpi ragrag, weu lapoer eta mah alamat sial. Tapi aja oge anoe henteu malar ilapat, ngan datang ngarah karamatna bae woengkoel. Doepi eta Seh Moehji linggihna di Pamidjahan teh naon damelna? Kapan Soenan Goenoeng Djati mah ngahiras kana djadi radja deui. Ari Seh Moehji mah henteu katjarioskeun njepeng kakawasaan nagara, moeng aja wartosna kana ngawoelang agama, patarekan Satariah noe diamalkeun koe anjeunna, tjariosna ari Seh Abdoel Moehji tea, nja moeridna Seh Abdoel Kadir Djaelani, Wali Koetoeb anoe pangkakontjarana, anoe makamna ajeuna dipoesti-poesti keneh di Sedan. . . . . . . . . Ke, bek rada helok. Sanes ari Seh Abdoel Kadir Djaelani mah agemanana patarekan Kadariah tea? Malah kapan wartosna patarekan Kadariah teh, nja hodjah andjeunna pisan. Jaktos kitoe; nanging kawasna kieu eta teh. Ngawiridkeunnana ka Seh Moehji nalika Seh Abdoel Kadir Djaelani teu atjan kagoengan pokal koe anjeun, keur masih keneh |
[ 155 ]
| ngagem kasatariahan; kapan eta mah Satariah langkoeng kolot batan Kadariah tea. Kitoe oge, manawi, henteu tiasa netepkeun mah.
Saha didieu di oerang moerid Seh Moehji anoe kawentar djenenganana? Hih seueur, sanes hidji doea, ari anoe katjeloek moeridna anoe di Tjirebon djenenganana Bagoes Noedjain, Kiai Boedoer, dj. s. t. Eta anoe teu atjan kahartos the, naon margina noe mawi sakitoe diloehoengkeunana koe bangsa oerang, dipoendjoeng-poendjoeng tepi ka kiwari? Hih teu aja lian eta mah, kadjabi ti kanjahoan karamatna eukeurna djoemeneng keneh, sanes karasa koe anoe mertjaja karamatna sanggeus anjeunna sah ti dunja. Geura engke, oerang tanggap bae koentjenna sina ngadongengkeun karamat Seh Moehji eukeurna aja keneh dikieuna. Tah ti Tasikmalaja teh oerang ngalangkoeng Soekaradja, Tjibalong, Parakan hondje, nja djol ka Saparwadi, nja ieu Pamidjahan tea, ari nelah di dinja mah nja Saparwadi. Toeh gening masdjidna geus tembong; eta teh pepentolna, toeh anoe dina poentjak soehoenanana, dadamelan Seh Moehji koe anjeun, estoe tapak pananganana, ngabakalanana, ngabangoenna, ngoekirna; ajeuna beleger keneh mangkaning parantos sabaraha ratoes taoen dongkap ka ajeuna. Toeh ari itoe bumi Panembahan Anom anoe beulah kentja, ari itoe Panembahan Sepoeh, nja anjeunna anoe minangka koentjenna. Eta teh toeroenan Seh Moehji. Geura oerang teroes bae heulaanan, toeh ti sasak oerang nandjak itoe kana tangga anoe bras ka makam. Rada teu woedoe tjape kawantos tanggana oge aja 125 hambal sadajana. Nanging itoe dina pantjoeran oerang kedah woeloe heula. Ieu makam Seh Moehji teh? Itoe beh ditoe, ieu mah makam anjar-anjar; malah toeh anoe itoe, pasareanana Wadana pangsioen. Toeh ari makam Seh Moehji mah itoe anoe nganggo dikoelamboean saniskanten, dikoebeng kawat sakoerilingna, oerang kedah ngaliwat benteng heula. |
Karaosna geueuman, sareng ieu koe arioeh matak betah teu asa di makam. Kawoewoeh-woewoeh moal aja keueungna ieu mah, da sakieu seueurna djelema anoe ngaradji, anoe keur djararah. Kantenan, ieu teh meh teu aja towongna siang wengi, malah seueur oge anoe marondok, kawantos itoe mah apan toeroet sisi tembok dipapajonan, djadi toemaninah pisan nadjan bade marondok oge, da dipalester saniskanten. Doepi eta roeas awi anoe disarandingkeun koe anoe keur djararah teh, roeas naon? Dieusi tjai, tjaina tjai biasa bae, ngan engke dimana maroelang, eta roeas teh dibarawa ari tjaina nja diparake djimat, pikeun tamba atawa pikeun saniskanten bae, aja oge anoe dikasawahkeun, dibandjoerkeun dina soengapan ngarah tjoekoep makaja. Doepi itoe sapalih deui makam saha? Itoe anoe sisi beulah kidoel makam garwa djeung para poetra. Nja eta:
ari anoe ka opat, makam putra anoe djenenganana Bagoes Moehji Aldin Adjidin. Ari itoe dina makam anoe sisi beulah wetan, aja tiloe nja eta:
ari anoe ka tiloe makamna Kandjeng Dalem Wiradadaha, anoe katelah Dalem Pamidjahan tea. Ari itoe anoe sisi beulah koelon, makam poetrana keneh, anoe djenengan Seh Hadji Abdullah. Ieu mah manawi bentengna teu atjan lami. Aja titimangsana, geura aos bae itoe dina loehoereun erang-erang lawangna. Anoe ti loear anoe latar beureum aksarana koe eremas kieu oenggelna: (Koe margi di kantor tjitak teu aja aksara Arab, djadi, teu tiasa diserat pokpokanana basa Arabna, ieu moeng salinanana woengkoel). Pisoendaeunana kinten-kinteen kieu: Ieu lawang makam Se Abdoel Moehji di Saparwadi. Oepama arandika rek arasoep ka djero, koedoe hadiah heula ka andjeunna, sarta satoengtoeng aja di djoero koedoe |
[ 156 ]Kaca:Poesaka Soenda 1924-(04-05)-2(10).pdf/12 [ 157 ]Kaca:Poesaka Soenda 1924-(04-05)-2(10).pdf/13 [ 158 ]Kaca:Poesaka Soenda 1924-(04-05)-2(10).pdf/14 [ 159 ]
| Kèbon Radja di Bogor; koe lantaran eta Pameungpeuk têh sakadar~kadar rada kamashoer; malah Frins Adolf ogè rakana Frins Hendrik, nalika pelesir ka Hindia geus merloekeun ningali ka eta tempat.
Baheula mah district Pameungpeuk tèh ngaranna lain Pameungpeuk tapi Nagara. Koe naon pangdingaranan Nagara bet asa nënggang ti noe lian, kapan noe diseboet nagara mah ramè, ri ieu boro-boro ka ramè tea kapan ajana ogè di pasisian Garoet, sisi Laoet-Kidoel! Kieu ri saoer sëpoeh mah: diseboet sotèh Nagara nja eta pèdah pinagara-eun, djagana bakal djadi nagara noe ramè alah batan Batawi ajeuna; djaga mah dimana geus djadi nagara, geus datang ka oegana, Batawi teh moal sadjèrê-djêreeunana atjan; keur totondéna, oepama neundeun koelit moending sarirang di tengah dja1an ka Tjilaoet-eureun, moal koengsi nepi ka sapoè kaboeroe mantèn djadi leboe, tina koe loba-lobana noe ngaliwat. Sepoeh-sepoeh noe palertjaja kana oega gëtem naker ana njararioskeun hal eta teh, malah doegi ka diètjès-ètjèskeun disebatan pitempateunana keur djaga teh, sapértos: Katja-katjana, ti beulah koelon: Tji mangké (kirang langkoeng 7 pal ti aloen-aloen Pameungpeuk); ti wètan. Pagembrongan (kirang langkoeng 4 pal satengah ti aloen-aloen ajeuna), djadi pilegaeunana kota têh kinten-kinten 11 pal satengah. Ngaran témpat-tempat ajeuna saoerna, lain sabongbrong kaseuseueuranana eta teh prasasat keur tjawisan, kajaning: Pagêmbrongan (wètaneun Pameungpeuk, kabawah koe onderdistrict Tjibaregbeg, ajeunana ngeplak tegal saliara sapalih geus dikarebonan) di dinja tèh pikeun? pasar, sababna noe matak disebat Pagembrongan ogé nja eta pedah djelema ti mana-mana teh di dinja bakal ngagalalembrongna, lantaran di dinja teh baris pasar gedè. Belengbeng (ajeunana rantja djeung to-gal pangangonan) keur sawah, da sawah Pameungpeuk ajeuna mah (Tegal boeleud) ëngkena beak dipaké palaboean. |
Sawah Tégal-boeleud (sisi kota Pameungpeuk) tah nja di dinja tjenah keur palaboean teh, engkena eta sawah tèh dikëdoek ti kidoel watesna pasir, keur wates minangka aling-aling djeung laoet, ari sisi palaboean ti kaler nja kota Pameungpeuk ajeuna, djadi dina sawah ajeuna teh djaga mah djadi tempat pasoeliwerna kapal noe hilir moedik, kawas di Tandjoeng Priok kiwari. Paboearan (koeloneun Pameungpeuk, hidji kampoeng bawahan desa Mantjagahar), noe mimiti patamboear tèh nja oerang kampoeng eta, ari lantaranana pang patamboear, aboes kana paribasa djati kasilih koe djoenti, hartina priboemi kasedekeun koe semah kapaksa koedoe ingkah ninggalkeun lemboer matoeh diandih koe anoe anjar datang. Tegah-lajang (kiwarina tegal ngentak pamoroan oentjal mentjek) noe matak dingaranan kitoe teh nja eta tjawisan pikeun tompat soerat-soerat, meureun moen disoerahan koe oerang ajeuna mah keur tempat kantor-kantor, tjara kantor, departement-departement, di dinja moengpoengna. Pangawaren (tegal saliara entakan djamangbaoe-baoe ampir satoengtoeng deulen, djalan ka Tjilaoet-eureun), tah nja di dinja tjënah pitëmpateun gedong noe alagreng teh. Aja deui noe nerangkeun di Pangawaren teh bakal aja leuit salawe djadjar, sadjadjarna salawe-salawè, malah tjeuk sawareh mah leuit-beuit djeung gedong-gedong teh ajeuna oge geus aja, keur tjawisan djaga, ngan di djero taneuh keneh, engke teh dimana rèk djadi nagara bener, djol-djol jleg bae aja, noe matak di Pangawaren mah ana ditintjak taneuhna sok ngagelendroeng, (Nanging djisim koering sëring mendakan salian di Pangawaren oge di tempat anoe sisi laoet mah seeur pisan tempat anoe ditintjak sok haroes ngagelendnoeng, panginten bae koemangi di handapna keusik bear (ngeproel) . di loehoer taneuh, djadi tiasa haroes djalaran di handap seueur tempat hawa anoe teu padet kaeusian koe roepi |
[ 160 ]
| barang (ngolowong); da di pagoenoengan mah noe taneuhna keket ti toehoer doegi ka handap, tara aja noe haroes sapértos kitoe).
Tjilaoet-euren, di dieu bakal djadi hidji palaboean noe mashoer ka mana-mana. Noe mawi disëbat Tjilaoet-eureun tea ogé nja eta pikeun pang-eureunan, djadi sadajana kapal noe ngaliwat, di Tjilaoet-eureun mah dipastikeun eureun bae, kadjoegdjoeg saking koe ramè-ramena, Pasar di loehoer laoet ogè nja di dinja bakal ajana, margana di loehoer laoet tèmah. sanes Iantaran naon-naon, panginten awahing koe geus sësek baè di darat seèpeun tempat. Tina koe ramè-ramèna nagara, saking koe seueur-seueurna djalma, oepami parantos doegi ka oegana, di Nagara (Pamengpeuk) tèh bakal djadi sesah koe tedaeun, karèmbong tjinde’ hidji teh moen ditoekeurkeun, oekoer kénging waloeh tjna saèsè, djadi moerah sandang soesah pangan, Lampoena ogè tjënah djaga mah ti katja-katja koelon doegi ka katja-kátjai wetan teh kedah diseungeut deui, saban Magrib braj hoeroeng sadajana, nja kitoe dina endjing-èndjingna teu këdah ditioep deui, pes bae sadajana pareum (Panginten bae listrik. Oepami diemoetkeun, asa helok,naha eta anoe baheula bet iasa nginten nginten. Djisim koering teh kinten heranna noe baheula ngadadarkeun perkawis oega oeninga kana listrik, sêdëng eta sepoeh noe nërangkeunana ka djisim, koering ogè, lapoer saoemoerna boeleud hoeloe tjan ningal listrik, tërang ogê noe koemahaan listrik, teu atjan, kawantoe noe saoemoer-oernoer aja di Pakidoelan tara mantra-mantra njaba ka noe ramè). Sadjabina ti ieu seueur deui tjarios-tjarios përkawis oega, nanging koe emoetan henteu përloe didadarkeun di dieu, da sànès bade njarioskeun hal oega, ditjatoerkeun soteh ieu mah moeng etang-etang katerangan kana témpat noe dingaranan Nagara tea, soepados aroeninga jen asalna teh kitoe, Doepi bade pertjanten henteuna mah, nja koemàha manah baê. |
Naon margina Nagara dilandi Pameungpeuk? Margina kieu: disebat Pameungpeuk téh margi didjero eta pakemitan aja batoe di têngah lemboer ngarioeng agëngna kinten sami-sami sarëng tolombong. Eta batoe tèh wastana batoe Pameungpeuk; djadi disebat Pemeungpeuk tèh katelah koe eta batoe. Eta batoe tèh ajana, naha ti barang ngadeg alam doenja, geus djoenggereng di dinja? Henteu, eta batoe têh tjek tjatoer pata sepoeh mali ajana rada bèh dieu, nja eta sanggeus goentoer Iaoet, sanggeus Tjipelëboeh mèngkol ngidoel, da baheula mah djaman Tjipeleboeh noendjang ngoelon ngamoeara ka Tjilaoet-eureun, eta batoe tèh euweuh, malah Iëbah dinja teh tengah-tengah waloengan. Noe matak ditelahkeun batoe Pamengpeuk oge, nja eta bátoe noe meungpeuk Tjipèleboeh noendjang ngoelon. Koemaha mimitina pang aja batoe eta tèh? Atoeh koedoe njoektjroek heula poepoehoenanana oerang tjokot poerwa wiwitan ngadjadina, kieu tjenah asalna. Di Pameungpeuk ajeuna tèh, beheula mah leuweung gëlëdegan boro-boro ka aja lemboer tea di dinja tèh padoemoekan maoeng djeung roepaning sato héwan tara mantra-mantra kasaba koe djëlema. Ari lëmboer noe gëgëk di Tjikopo (girangeun Pameungpeuk) - Djaman eta di dinja loba noe baleunghar, moending itoeng pasiran teh lain omong bobohongan, djeung djëlëmana rata-rata njalantri; tjatjakan waktoe harita djaman ka Mekah make kapal lajar keneh, noe tjan tangtoe boelan taoenna koedoe ngangkleung di laoetan, lantaran kapalna koedoe noeroetkeun angin bae madjoena, tampolana loba noe toeloej tikelebék djadi parab laoek laoet. Tapi oerang Tjikopo mah loba noe geus djadi hadji, malah di lemboer eta aja kiai sagala. Katjatoerkeun dina hidji mangsa ka tjikopo datang hidji loetoeng, djolna ti leuweung, aboes ka tëngah lemboer ger kob baroedak pada nálènggoran, tina berendjit |
[ 161 ]
| ngagoéroeh, kolot~koIotna ogé ka loear milu moroan sang monjet hideung. Ki Loetoeng bangor dibalèdogan tèh kalahka ngalèlèwaan sëmoe noe taja kagimir sénang-sënang baè goegoentajangan talalepa dina loehoer dahan kai. Gantjangna oerang lêmboer kabêh toengkeb pada rniloe moroan, ear djalma noe soerak barb dibarengan koe pamalèngpèng djeung pamalèdog.
Tina kai kana kai deui eta loetoeng barang nepi ka lemboer Tjikopo, ti handap pada ngabring-ngabring gantjangna boes deui ka lemboer sèdjèn, nja eta lêmboer Tjidahon. Dadak sakala eta loetoeng barang nëpi ka lemboer Tjidahon rada sêmoe lindeuk nëpi .ka kekna beunang ditèwak, dikoeroengan koe ranggap paragi maraban hajam di pipir, dirogrog pada ngaialadjoan. Di antara djalma noe sakitoe reana, aja hidji kolot oerang dinja noe sakadar aja kanjahona, pok manehna ngomong, pakna: ,,Ari loetoeng teh tjeuk kolot mah sok aja toengtoengna. Tjik bisi lain loetoeng samanea, geuning bet asa bageur-bageur teuing dikoeroengan teh teu daèkeun adoeg gabroet jeung teu pati eraeun koe djelerma ogé deui, bet kawas lain sabongbrong, hajang njaho oerang dodja, kabiasaanana loetoeng Ieuweung mah taja lain noe didaharna ngan bangsa poepoetjoekan, salian ti eta tara daèkeun. Ajeuna koe oerang oerang soegoeh roeroedjakan djeung kadaharan; lamoen baè loetoeng biasa, geus tangtoe moal daèkeun, tapi lamoen lain saloetoeng-loetoengna, tangtoe panjoegoehan oerang didahar”. Kotjap eta kolot boel ngoekoes ngadowaän keur soesoegoeh, song diasongkeun, diaboeskeun kana djëro ranggap. Sang loetoeng kawas geus mangarti, barang song ogè teu antaparah deui, roedjak djol legoek diinoem, kadaharan djob kedewek baê didahar. Atoeh kabeh pada helok; disëboetkeun loetoeng koekoet, da euweuh noe manggihan, aja djalma ngoekoet loetoeng, diseboetkeun loetoeng leuweung, meureun moal daèkeun dahar panjoegoehan; tètèla tjèk sangkaanana moe1 salah ieuh, tangtoe lain loetoeng samanèa. |
Sabot kabèh ngaharoeleng bingoeng koe mikiran eta, naha naon gara-garana, aja doea boedak nëmpo kana ranggap, koe eta loetoeng ditjidoehan. Beurang kasapih koe peuting, djalma-djalma haralik ka saimah-imahna, eta letoeng anggër baê dikoeroengan satadi. Kokolot tea ladjoe diangir rnandi, reup peuting menekoeng moedjasmèdi. Barang reup sarè di djol bae dina itoenganana, ngirnpi ka soempingan tamoe agoeng noe anjar pinanggih. Saoer eta tatamoe: ,,Bisi maneh teu njaho aing teh nja noe ngaroepakeun loetoeng tea. Pang datang ka deui aing rek mindahkeun waloengan Tjipaleboeh oe1ah sina ngamoehara ka Tjilaoet-eureun; maksoed aing isoek arek ka Tjilaoet-eureun, koe maneh koedoe dianteurkeun. Aing heran katjida, datang ka lemboer Tjikopo bet rek pada nganiaja; sakitoe deui keun baè, meureun euweuh noe njahoeun mana baroga karep rek mergasa oge; tapi hate rada mentëgeg bae, di dinja koe saroepa euweuh noe djadi kokolotna; geura deuleukeun ëngkè! Bisi maneh rada tjangtjaja ka aing, aing mere totondè tadi geus njidoehan doea boedak, awaskeun eta doea boedak djagána bakal ingkah moal aja di bali geusan ngadjadina. Sakalian aing mere inget sakeudeung deui baris aja gara-gara noe pohara, koe hal eta maneh djeung sararea koedoe ati-ati, Sakitoe baè”. Barang ras inget eta kolot gantjang pakoepis hadjat njalametkeun saaja-aja, djeurig eta loetoeng dipoendjoeng-poendjoeng. Isoekna eta loetoeng dikaboearkeun tina ranggap, adjaib kawas noe geus ngarti, djol ingkig baê indit madjoe, leumpang noedjoe ka lebah Tjilaoet-eureun diringkeun koe kokolot djeung sawatara batoerna; barang nëpi ka tengah leuweung tjat eta boetoeng naek kana loehoer kai bes bae teu tèmbong deui, noe ngalanteurkeun gantjangna moelang, sadatangna ger hadjat. Doea boedak noe ditjidoehan loetoeng tea teu mangkoek sabaraha lilana |
[ 162 ]
| djang di Kawadanan ti dinja pindah-pindah, nepi ka kiwari teu aja bédja-bédjana atjan.
Sawangsitna loetoeng teu tijalahan deui jén baris aja gara-gara pohara, ana ger téh goentoer laoet noe pohara pisan, lambak djedjelegoeran sagedé-gedé naon, pasir aling-aling sisi Laoet noe sakitoe loehoerna geus teu témbong poentjak-poentjakna atjan, pirang-pirang lernboer kakeueum, Tjikopo noe sakitoe loehoerna djeung djaoehna kira doea pal ti Laoet ngembeng kakeueum, lambak téh dar-der meupeus di sisi pasir tonggoheun lemboer. Tapi aneh, ari lemboer Tjidahon mah noe sakitoe handapina koe Iaoet teu kakeueum, tjék bédja mah lantaran di dinja aja pakoeboeran Wali. Harita oerang Tjidahon bisa noeloengan hidji Kiai oerang Tjikopo noe keur djadi sarah antjleung- antjleungan di tengah sagara; disodoran tambang nepi ka salmetna tina bahja maot, teu toenéangan babatang rek dikoeboer. Lemboer Tjikopo noe sakitoe gegekna téh rangkad kabawa dibebaskeun koe tjai. Saanggeusna saat balik sabiasa asalna deui bangké patoelajah di oenggal tempat geus teu poegoeh bilanganana Noe salamet leupas tina bahaja ngabring njaksrak néangan babetang rek dikoeboer. Di sisi hidji rantja sisi laoet aja tangkal gebang loehoer, di loehoerna aja boedjal ngait kane palapahna, doeka boedjal oerang mana, nepi ka kwari éta rantja katelah rantja boedjal, hilireun éta kira-kira sepal, béh deui manggah pendjit djelerna, nja kitoe njangsang dina gebang saperti noe tadi, nja nelah anjeunana Tjitjadoek. Katjatoer waloengan Tjipeleboeh noe noendjang ka koelon, djadi méngkol noendjang ngidoel, dina lebah paméngkolan aja batoe ngagoendoek nja noe diseboet batoe Pameungpeuk téa, hartina meunpeuk Tjipeleboeh soepaja oelah ngamoeara ka |
Tjilaoet-eureun. Tah ti harita ajana batoe Pameungpeuk téh.
Tjeuk patjatoeran karoehoen saha-saha noe geus mindeng nginoem Tjipeleboeh sok keleboeh, hartina toeloej boemetah di dinja. Kaboektian ajeuna noe njitjingan Pameungpeuk téh. réréana djalma ngoembara. A. Ganda Prawira.
I Ieu kidoeng paragi ngambah alas (leuweung) noe saranget atawa lebak, goenoeng noe tara kasaba djalma, boh ka mana baé, kalimahna kieu. Peling serat Raden Rangga Teling, toemenggoeng Rangga Woeling, Raden Sastra kandoeroean, praboe Walima wajang, ki Dipati ing ngalaga, kanagan wajang ka antéro bangsa poetra, panoetan Goenoeng Agoeng, noe njalikan lemah poetih, Ratoe Soenda tanpa Raden Alip. Moelane angintoen serat tanggal ping opat Moeloed, anasi iahé ingkang poetra ing Toendjoeng bang ing Lakbok, ing Santjang, ing Goenoeng Agoeng ing Goenoeng Tjiremaj, ing Goenoeng Goendoel, ing Goenoeng Tangkoeban Parahoe, ing Goenoeng Seladatar, ing Goenoeng Tjangkriman ing Goenoeng Siem, ing Goenoeng Astana, babakan Pangéran Djadjatsangsara Ratoe Soenda koesoema di Noesa Djawa. II Poenika kidoeng rempak baja. Paranti njampé noe gèring atawa tjai tjaah, hoedjan gedé, Seuneu gedé, atawa njoesoejk njieun imah, ngarempoe hoenjoer, njieun babakan, njaba ka leuweung anoe sanget, ka goenoeng-goenoeng, ka lebak-lebak ka pasir-pasir, naon baé noe |
[ 163 ]
| saroepa tara kaambah koe djelema, geura paké baé ieu kidoeng „rempak baja” paragi ngaroeat imah atawa lemboer, ieu kalimahna:
Ini kawih rempak baja koehatsi déwa Radja Kasih, pindah saré mangka oelah kadjongdjonan, oelah loepoet kadangdaloean, saking oesik saking mobah satingkah saparipolah, anaking eusi boeana, déngékeun éta soara, teu di loehoer teu di handap, soara taja lebahna, da éta sora déwata, titiahan Sangiang Lara noe ngalarang di boeana larangan para dewata, boehatsi soeka asih koehatsi léla asih, koehatsi antara kasih, koehatsi titahan Sangjang Larang, larangan aja dimana, mana hantoe henten njatoe, mana sétan teu ngahakan, mana djoerig henteu beuki, sakitoe aja basana, da wedi léla antara kasih, nja eta poerwaning djaga, dewata dewa toernpak, ti soara dewa toempak, dioetjapna nangtoeng toempak, dirasana rasa henteu roepa dina raga, henten ngarasa di dinja, Sangiang Larang noe ngalarang di boeana, noe aja di poerwaning djagat, ati poetih mana rasa, panjoempoetan noe haraneut, atji poetih noe ngalèmbok herang, nja éta paramoedita, koeriping boemi langit, sang singgah herang hoeriping boemi, sangsih loepoeting herang, hoeriping langit sangsih karadjati, hoeriping peuting sang hérang lènggang, hoeriping srangèngè sang sih sadahintoe sahoeriping woelan sang sih waroega larang, hoeriping angin sang sih baloega hèrang, sang hoeriping katoembiri sang baroe, hoeriping awang doegari, hoeriping goegoer doegari, hoeriping ketoeg sang sih roekamaja, hoeriping hoedjan sang si labodjang, hoeriping gelap sang maja, hoeriping kilat éta kanjahokeun, hoeriping noe di handap sang si Badoegoel Woeloeng, hoeriping goenoeng sang si Badoegoel Djentoel, hoeriping batoe sang si Giri, hoeriping wesi sang si Awaka, hoeriping hoenjoer sang si Wirija, hoeriping lebak, ari ngeusian leuweung sang si Mirah Djaja, hoeriping matjan sang si Wiradjajakala, hoeriping badak |
sang sih Wiradjaja, hoeriping banteng sang si Badjoelang, hoeriping oentjal Bajabong, hoeriping mentjek sang sih Rego, hoeriping tjeleng sang Sengeng, hoeriping peutjang sang Tjeuk, hoeriping ganggarangan sang Tjela, hoeriping oraj sang Batawa, hoeriping landak sang Loh, hoeriping langgir sang Moeloeh hèrang, hoeriping djalan sang Lembak herang, hoeriping laoet sang lemah djati, hoeriping tjadas sang loeloer maja, hoeriping déwa sang lahir, hoeriping sagala ratoening djoerig sangsih kanda, hoeriping hoeaja sang djenar, hoeriping koeja sangsih maroega, hoeriping keujeup batara troes boeana, hoeriping moeara batara rego boeana, hoeriping poeseran ageung baloega basaj ana ka handap baloega basajana, ka loehoer larang angkat, noe djadi angin sang boenering, hoeriping déwa boejoet sang toekara ratoening sakeh siloewoeng sang kanda heta ratoening sakahewan sakabeh ratoe boeta, sang singgah hoeriping awewena, sang boedani hoeriping koetana, sang kalawisésa hoeniping Mantrina ngaran awéwéna sang roetkalarang, sang sih nakar ati ngaran dajeuhna, sang sih kamdjah ngaran panglampahanana, sang sih reka-reka ngaran djalmana, anoe loba sang toesar ati, ngaranna doekoehna poepoeh timpoeh panteg penlénté sadjagat pramoedita rasa aing loesadjagat kabeh, nja aing poerwaning djagat, nja ngaran sangiang larang, noe ngalarang di boeana anoe njetjek di boeana iki nja bajoe poerwaning sidamana baja henteu aja ini bajoe poerwa sakti, mana hiri henteu djadi ini kajoe perwana déwa henten ngarah, ini tawih poewa sakti mana mantri henteu dengki sahadjahnana hanteu ngarah saleumpang-leumpang aing hoeroeng satangtoeng-tangtoeng aing salakoe-lakoe aing loba noe roesoeh saleumpang leumpang aing loba noe haat ka diri aing loba noe asin; moen aing aja di ratoe, Ratoe noe asih ka aing; moen aing aja di menak, menak noe héman ka aing; moen aing leumpang djeung dèwa, dewa noe ngaraksa aing; moen aing leumpang djeung ménak, ménak noe ngaraksa aing, nja aing ratoe sagala pamaké rat djagat paramoedita. |
[ 164 ]
Dina waktos harita terang teu aja anoe daék tjetjeremed ngoetil tèh, tëtëbiheun kana rarampog babadog atawa bèbègal mah, margi masih kapoeoek ka sipoeh koe adat karoehoenna, pageuh goegon toehon kana bidah kapertjajaan rèmpan teu weleh inggis-risi, koe goena wisaja, bok bisi dikaniaja disèbakeun ka Siloeman sileman. Eta kapertjaan pageuh dibaroeng deui koe kapertjajaan agama, boektina oepama, hidji anak diwaris sarakit moending koe bapana, dimana eta moending geus rëkah djadi 2—3 rakit, dina waktos hadjat medlak bapana, këdah baè milih 1 moending noe moeloes bangloes, teu aja tjatjadna sanadjan saeutik. Eta moending dikoerbankeun, dagingna teras ka koelit-koelitna dibagikeun, ka para oelama, sarat kaoem, prijaji djeung sabatoerna. Ari noe boga kawas ditjadoekeun atawa diharamkeun kana nëda éta moending noe dikoerbankeun téa, éta disebatna koe oerang dinja tjenah, „Moelangkeun bibit”. Di dinja aja kaanéhan nja éta adat anoe teu kapendak di sèdjèn tempat Saban-saban kampoeng djaba ti paéntah désa, aja deui kapala loeloegoena boedjang-boedjang djeung landjang-landjang, ilahar disebatna Loerah Boedjang, Loerah Landjang, |
beunang milih boedjang, doeda, parawan atawa randa anoe disangka sakira loba kabisa, gedè têmah wiwahana, bisa noengtoen ka sasamana. Gawèna éta Loerah boedjang tea kadjaba ti nalingakeun kalakoean wilajat-wilajatna kana bagoejoeban karoekoenan deui, toeloeng-tinoeloeng, sabiloeloengan djeung pada batoer, saméméh maranehna laki rabi, kitoe deui oepama salah saoerang diantarana rèk kadatangan doeriat saméméh datang ka kolotna koedoe datang heula ka Loerahna téa, tidinja kakara ka kolotna dibarengan koe Loerah loerahna, Oepama tjèk Loerahna geus aja noe njeureuhan, leuwih ti heula ti manéhna, éta tara wanieun maksa.
Sarta oepama aja boedjang atawa andjang, anoe moeroegoel adat mahiwal ti batoer, teu noeroet kana parèntah, toer teu beunang diélingan koe pada batoerna, hoekoemanana, tara ditarik tara ditakon, koe pada babatoeranana djadi hiroep kapaksa njorangan, sarta dina pinanggih bantjang pakewoeh tara aja anoe noeloengan. Raramèanana 1. Moeloedan. Ti barang tanggalna kènèh boelan Moeloed, Loerah boedjang geus ngoelintjer baé, mèntaan doeit sasoekana, noeroetkeun kumaha perjogana, ti pada batoerna, noe pada lagas tea, éta doeit dimana geus réngsé kapoepoel kabèh, koe si Loerah boedjang téh dipasrahkeun ka Loerah landjang. Dimana geus deukeut kana waktoena, dikira pisaminggoeeun deui, kana prakna Moeloedan, éta doeit toeloej dibalandjakeun, kana naon kaperloeanana, djaba tidahareun, ,,keretas kembang, oedoedeun, djeung seupaheun”, Waktoe landjang-landjang téa digarawé, naon-naon kaper1oean sasadjen keur Moeloedan; sawatara boedjang pada ngaladènan naon kaperloean, lalaki, kajaning ngala soeloeh, tjai, roeat-roeat sarëng sadjabina, Dina waktoe poëan bregna Moeloedan nja éta dina tanggal sawelasná boelan éta. Loerah landjang sabatoerna, geus pagetol-getol, pada hajang nembongkeun |
[ 165 ]
| pangabisana, pada mapaesan hidji balandongan, sarta dihadja bilikna koedoe rada tjarang. Sabada mapaesan adeganana, nembe der ngambeng, ngoedjoerna ti kulon ka wetan, ambengan sisihan dipaselang djeung amis-amisna ager, noe diroepakeun mamanoekan, lalaoekan ngabegoeg dina basi, sarta sikatan tjaoe. Antara ambengan diselang deui koe kembang keretas, noe diroepakeun tatangkalan roepa-roepa, ting aremplad dahanna kawas nu ngagupajan; di tengah-tengahna aja doea tiloe toempeng, laoekna hajam, endog djeung laoek tjai. Sisi-sisina eta ambengan tea dikepoeng deui koe bokor atawa talem, (moen teu aja, kolokop tjau dadakan) noe pinoeh dieusi lepit atawa sapoeratina seupaheun. Eta sasadiaan teu aja kaselapanana woengkoel kedah kenging landjang tea bae.
Sasalsena ngambeng, ngan oekoer aya hidji doea bae, landjang anoe ngadjaga toenggoe ambengan, ari noe sanesna goesak-gasik pisan baralik ka saimah-imahna, baleberesih diangir mandi, marake pahade-hade, saaja-aja, saboga-boga, pagandang-gandang ginding leuwih ti sasari; sanadjan dina boboran Sawal oge di dinja mah tara kitoe. Make noe kitoe koe oerang dinja disebatna “nebeng madjahkar”. Reup, peuting dina malem kadoea welasna tea sareupna keneh oge, geus raboel boedjang-boedjang teh noe njakitoe deui, pada beunang ngaginding pagandang-gandang, noe tara ge dibendo harita mah meded, bleg bendo tjigadog, kadjeun torek karoengkoepan tjeuli, asal kasep katendjona, sarta pada njarorendang terebang gede, ngadjegir nengahan awak noe ngagandong. Sadaja pada maksoed rek Moeloedan, balaketjrakan dahar leueut. Sambian bari pada nembongkeun roepa djeung pangabisa maksoed oge njipoeh pangawoeroeh. Doer, bedoeg tjiri tetenger Isa di masigit; si boedjang-boedjang teh kawas geus teu kenging diampeuh deui hatena, der tataloe, patarik-tarik nabeuh terebang, geus geundjleung lain dikieuna, teu poegoeh dengekeuneunana, bari dibaroeng kawih, |
sora ngadjerit ting darengek, pada hajang katara, ieu kalakoean nepi ka tengah peuting, didinja nembe ngaraso bari ngaropi, dahar balaketjrakan.
Dimana ari Nji Loerah landjang sabatoerna, naha laladjo di balandongan, sabiasa djamak djeung noe sedjen? Aneh! Di djero balandongan, teu ngoelampreng awewe hidji-hidji acan, sihoreng ting koelamprengna, loer-lar diloeareun balandongan, bari ting taroong, hajang nendjo noe di djero balandongan. Oepadi anoe geus pada boga beubeureuh mah, mani nogel-nogel bae; tina bawaning hajang sidik ka beubeureuhna, kadjeun tjangkeul asal seubeuh nendjo, malah bari pada ting karoewes haharewosan, pasini noekeran roko koe lepit noe disajagikeun sakoeriling ambeng tea. Noe teu aja beubeureuh nja waktos harita loba kaeunteupan birahi, tampolana loba noe meunang pisalakieun atawa pipamadjikaneun, tjindekna nja harita pada hajang mareunang djodona. Atoeran kieu didinja mah djadi lemek paomongan, loemrah disareboetna “Noong”. Waktos ngaso tengah wengi, kakara si landjang-landjangna arasoep deui ka balandongan, maksoedna rek mangmoerakeun toempeng ngabagikeun kadaharan, ka boedjang-boedjang djeung sabatoerna. Sabadana brak dalahar balaketjrakan, soekan-soekan bari silih tema sempal goejon, koe sindir djeung siloka anoe ngandoeng harti, basana djeung babasanana teu beda saperti sesebred ronggeng atawa ogel, ngadalang tjara dina gondang teu ditinggal. Sabada bararang dahar, deur deui bae narabeuh taja kendatna nepi ka braj beurang.
Ajana ieu karamean biasana di noe karamean, boh njunatan atawa kawinan. Petana pidoea minggoean deui; sanggeus noe boga hadjat babadamian djeung palawargi noe sedjen perloe manehna badami deui djeung Loerah boedjang |
[ 166 ]
| landjang, maksoedna soepaja Loerah landjang koedoe ngeprik ka sabatoerna, kana noeloeng noetoe, anoe dilagoekeun gondang tea; ari Loerah budjang perloena ngembarkeun ka wilajatna, noeloeng soeloeh djeung daoen noe mareunang ngalana ti leuweung.
Samalah sagala atoeran soesoegoehna oge pikeun boedjang-boedjang djeung landjang-landjang tea mah, tara patjorok sareng kolot, boh ngasakanana boh prakna njoegoehan. Ari boedjang-boedjang mah dina ngopina atawa daharna ngasakanana, woengkoel beunang nji Landjang-landjang tea, margi diberena keur soesoegoehna teh koe noe boga karia atahan. Oepama rek ngadegkeun “Djoged” noe boga hadjat koedoe ngadegkeun adegan noe sajaga kakoeatanana, sangkan oelah kadjadian eunjeuh dina waktoena dipake. Atoeranana djoged kieu : Kira wantji Isa, geus raboel boedjang-boedjang malah aja oge sapalih anoe geus laki rabi anoe masih katarik koe kasukaanana, pada marawa terebang gede, lobana djalma di balandongan meh saroea djeung lobana terebang, sabab djadi pamodjokan gede pisan di dinja mah oepama hidji boedjang teu boga terebang noe koelitna koelit moending teh, diseboetna djalma teu boga wiwirang”. Doer Isa, noe djadi kokolotna, geus ngeloen ngoekoes di tengah balandongan tea, neneda ka Batara ka Batari noe ngageugeuh Tjidjoelang, njoehoenkeun diijoehan ditangtajoengan oelah aja pantjabaja, salamet dina waktoena djoged; sarta teu tinggal babaktina, djaba ti menjan bodas sareng kadaharan dina antjak sapeoratina, minjak seungit, rampe djeung kembang warna 7 ka Nji Pohatji, endog hajam kanoe ngageugeuh di dinja, eta kabeh diamparan koe boeh. Saparantos babakti geus dikoemkeun ka sadajana, nembe breng, tataloe djamak sabiasa Moeloedan bae. Watara sadjam ti harita rengkenek aja noe ngigel lagoena “Kembang beureum atawa Bendjang”, nandakeun, tjenah kasoeroepan ti karoehoenna, noe biasa sok ngigel. Toetas eta |
nembe breng aja welasna noe djoged ting aledjrag, ting aladjret dibaroeng bari ting djarerit, ting gorowok teu aja kendatna, malah bari silih djongklokeun, silih soentroengkeun, bari ngoerilingan koekoes djeung sasadjen tea, ka peutingnakeun mah, bari dibarengan morobotkeun pepetasan atawa njeungeut meretjon di dinja, ditempatna adjroeg-adjroegan tea.
Hate soemeredet aringgis bok bisi aja anoe tjilaka, da titinggalan woengkoel djalan balahi. Nja kaboektian sok radjeun oge aja noe bloegna pisan tisoesoet, nepi ka laboehna, kairik kasesered koe batoerna, nepi ka leuleus ngan kari empas-empes ambekanana woengkoel. Tapi aneh pisan kadjadian kitoe teh bet istoe teu didjieun reuwas reuwas atjan, anggoer si eta anoe roeboeh teh diparanggoel sok digolerkeun didjarian, oer bae dibandjoer koe dalangna; teu mangkoek sadjam, geus tjelegedeg deui bae, djagdjag satadi deui waras teu sakara-kara. Atoeranana noe djogedna silih ganti bae djeung noe nabeuh, djadi sadaja bisa nabeuh djeung djogedna. Atoeran njoegoehanana noe djoged, samemeh bringna, kedah bae disoegoeh angeun “bagedor tjau manggala”, ditjampoer boros hondje, tjipati djeung laoek hioe, sanadjan di noe kariaan meuntjit, moending, loebak-liboek laoek oge, eta mah tara tinggal, margi ageung keneh kana kapertjantenan masih dianggo toembal sangkan oelah tjambal pangabisa, woewoeh emoet ka pangaweroeh.
Kadjabi ti kintoenan Djoeragan Empoe, redaksi nampi deui katrangan adat oerang Tjidjoelang ti Djoeragan Wadana Tjidjoelang, anoe dipoendoetan koe K.T.A.R Tasik meh sami bae sareng ieu. Taja sanes redaksi oendjoek noehoen ka Kangdjeng Toean Asisstent-Resident Tasikmalaja, anoe parantos kersa makihikeun kana pieusieun Poesaka Soenda, nja kitoe deui ka Djoeragan Wadana Tjidjoelang teu kirang-kirang nja hatoer noehoen. Redaksi.
|
[ 167 ]
Samboengan P.S. no.11 taoen ka 1.
Ratoe Galoeh alam Padjadjaran baheula, kagoengan poetra tiloe anoe tjikal ti Selir, jenenganana Asmoenalarang, anoe hidji deui joel padmi djenenganana Pamanah-rasa, piradjaeun. Pangatikna tiloean toetoeroenan, ngairia Gelapnjawang, Kidang-panandjoeng sareng Lampoeng-djamboel. Sabot Pamanah-rasa ditinggalkeun koe tiloe pangatikna ka Goenoeng Padang, ditimbalan moendoet landong keur prameswari, andjeuna dikaniaja koe rakana, rek diarah pati sangkan karadjaan ra~g kanoe dengki. Petana nja eta Pamanah-rasa sina njoekang dina areuj sina meuntas Pangdadaran. Lantaran ditangtajoengan wahjoe, moebah akal rakana malah waktoena asoep ka djero soemoer gok tepang sareng radja djin anoe maparin kasaktian ka Pamanah-rasa. Tina teterna noe ngarah pati toengtoengna sanggeus Pamanah-rasa dibaloer koe areng didjoeal ka oerang kapal, koe oerang kapal ditoekeurkeun kana kai ka Poetri Ambet-kasih poetra Bengawan. Koe pangatik anoe tiloe disoesoel, nja kapanggih si Hideung keur djadi budjang. Tah kitoe tjariosna, ieu ajeuna samboenganana. |
Poetjoeng.
167
168
169
170
171
172
173
174
175
|
_ornament.jpg)
Kalawarta Poesaka Soenda